كادرلاردى دايارلاۋ سالاسىندا مينيسترلىك بارلىق وقۋ ورىندارىندا ۆەتەريناريا ماماندىقتارى بويىنشا ءبىلىم بەرۋدىڭ بىرىڭعاي باعدارلاماسىن ەنگىزۋدى, ۆەتەريناريالىق ماماندىقتار ءۇشىن اۋىلدىق كۆوتانى 70%-عا دەيىن ارتتىرۋدى, سونداي-اق جوعارى وقۋ ورنىن بىتىرگەننەن كەيىن 3 جىل ىشىندە تەك وقۋ ورنى بويىنشا عانا ەمەس, «سەرپىن» جوباسى بويىنشا قازاقستاننىڭ باسقا دا ەڭبەك كۇشى تاپشى وڭىرلەرىندە تۇلەكتەردىڭ جۇمىستى وتەۋىنە مۇمكىندىك بەرۋدى ۇسىنادى.
دۇنيەجۇزىلىك جانۋارلار دەنساۋلىعى ۇيىمىنىڭ جەر ءۇستى جانۋارلارىنىڭ دەنساۋلىعى كودەكسىنىڭ ۇسىنىستارىنا سايكەس, ۆەتەريناريالىق ستاتۋارلىق ورگان قۇرۋ جوسپارلانىپ وتىر.
ۆەتەريناريا سالاسىنداعى مامانداردىڭ جالاقىسىن كوتەرۋ ۆەدومستۆونىڭ ماڭىزدى مىندەتتەرىنىڭ ءبىرى سانالادى. ونسىز قىزمەتتىڭ تارتىمدىلىعىن ارتتىرۋعا قول جەتكىزۋ مۇمكىن ەمەس.
قازىرگى ۋاقىتتا وسى ماسەلەنى شەشۋدىڭ بىرنەشە جولى ۇسىنىلادى, اتاپ ايتقاندا, ۆەتەريناريالىق ءىس-شارالاردى وتكىزۋ بويىنشا كورسەتىلەتىن قىزمەتتەرگە تاريفتەردى قايتا قاراۋ, اقىلى قىزمەت تۇرلەرىنىڭ كولەمىن ۇلعايتۋ, ۆەتەريناريالىق دارىگەرگە جۇكتەمە ءنورماتيۆىن بەكىتۋ.
ۇسىنىلىپ وتىرعان شارالار پارلامەنت سەناتى دەپۋتاتتارىنىڭ, مۇددەلى مەملەكەتتىك جانە جەرگىلىكتى اتقارۋشى ورگانداردىڭ, ءبىلىم جانە عىلىم ۇيىمدارىنىڭ, بيزنەستىڭ, قوعامدىق بىرلەستىكتەردىڭ قاتىسۋىمەن ءتۇرلى الاڭداردا تالقىلاناتىنىن اتاپ ءوتۋ قاجەت.
ۆەتەريناريا جۇيەسىن رەفورمالاۋ جونىندەگى شارالاردى ىسكە اسىرۋ اگروونەركاسىپتىك كەشەندى دامىتۋدىڭ 2021-2030 جىلدارعا ارنالعان تۇجىرىمداماسىن ىسكە اسىرۋ شەڭبەرىندە, ونىڭ ىشىندە قازاقستان رەسپۋبليكاسىنىڭ زاڭنامالىق قاجەتتى قاراجاتتى بولە وتىرىپ, 2022-2026 جىلدارعا جوسپارلانىپ وتىر.
