كوروناۆيرۋس: وقشاۋلانۋ مەرزىمى قىسقارادى

كوروناۆيرۋستىڭ «وميكرون» شتامىمەن اۋىرۋ كوپ جاعدايدا جەڭىل جانە سيمپتومسىز تۇردە وتەدى. تارالۋى باسقا شتامدارعا قاراعاندا بىرنەشە ەسە جوعارى. كوروناۆيرۋستىڭ جۇعۋى 14 كۇننىڭ ىشىندە بىلىنسە، «وميكرون» نەبارى ەكى كۇننىڭ ىشىندە ادام اعزاسىندا سىر بەرەدى. دەمەك تەز جۇعادى دەگەن ءسوز. اۋرۋدىڭ العاشقى بەلگىلەرى تۇماۋ مەن جەدەل رەسپيراتورلىق اۋرۋلارداعى سياقتى سۋىق تيگەندەي كورىنەدى. ياعني دەنە قىزۋى كوتەرىلىپ، السىزدىك، باس اۋرۋى، جوتەل بولادى. بىراق جەڭىل وتەدى ەكەن دەپ ءوز بەتىنشە ەمدەلۋگە بولمايدى. اۋرۋ بەلگىلەرى بايقالعان ساتتەن باستاپ دارىگەرگە كورىنىپ، بىلىكتى ماماننىڭ اقىل-كەڭەسىنە قۇلاق اسقان ءجون.

دەنساۋلىق ساقتاۋ ءمينيس­ترى اجار عينيات دۇنيە ءجۇزىن دۇربەلەڭگە سالعان كورونو­ۆي­رۋستىڭ «وميكرون» ءتۇرى ەلىمىز­دىڭ ەپيدەميالىق جاعدايىن ۋشىق­تىرعانىن اتاپ ءوتتى.

«ەلىمىزدە COVID-19-بەن تاۋ­لىكتىك سىرقات­تانۋشىلىقتىڭ 60%-دان استامى ءۇش ايماقتا تىركەلىپ وتىر. نۇر-سۇلتان قالاسىندا اۋرۋ 32 ەسە ءوسىپ، بۇل رەتتە تەستىلەۋ دەڭگەيى ەل بويىنشا ەڭ جوعارى جانە تاۋلىگىنە 10 مىڭنان اسا تەستى قۇراپ وتىر. بى­راق حالىقتى ۆاكتسينالاۋ قارقىنى 1،5 ەسە جانە رەۆاكتسينالاۋ قارقىنى 4 ەسە تومەن. الماتى قالا­سىندا SARS-CoV2 اۋرۋى 8 ەسە ءوستى، تەستىلەۋ دەڭ­گەيى قالپىنا كەلتىرىلىپ، وسى جىلعى قاڭتاردان باس­تاپ 3،5 ەسەگە ارتتى. ۆاك­­تسي­نالاۋ قارقىنى 1،6 ەسە جانە رەۆاكتسينالاۋ قار­قىنى 3 ەسە تومەندەپ وتىر. قاراعاندى وبلىسىندا سىرقاتتانۋشىلىق 9 ەسە ءوستى، ال ۆاكتسينالاۋ قارقى­نى 3 ەسە جانە رەۆاكتسينالاۋ قار­قىنى 3،5 ەسە تومەندەدى. بۇگىن­دە ەلىمىزدە بارلىعى 21 مىڭ ينفەكتسيالىق تو­سەكتىك ورىن اشىلدى، ونىڭ 33%-ى اۋرۋلارمەن قام­تىلعان، رەانيماتسيالىق ورىن 2 مىڭنان اس­تام، ونىڭ 16%-ى قام­تىل­عان. رەزەرۆتە 30 مىڭ ين­فەك­­تسيالىق جانە 3 مىڭ رەا­ني­ما­تسيالىق ورىن بار»، دەدى ا.عينيات.

ونىڭ ايتۋىنشا، رەس­پۋب­ليكا بويىنشا رەۆاكتسي­نالاۋعا جاتاتىن حالىقتى قامتۋ 26،8%-دى قۇراپ وتىر. 800 مىڭنان اسا ادام ەگىل­دى. ءۇش وڭىردە – اتى­راۋ، تۇركىستان وبلىستارىندا جانە نۇر-سۇلتان قالا­سىندا قامتىلۋ دەڭگەيى ەڭ تومەن: 13%-دان 17،0%-عا دەيىن. بارلىق وڭىردە ۆاكتسينالاۋ مەن رەۆاكتسينالاۋ قارقىنىن ارتتىرۋ قاجەت. بۇل – اۋرۋحاناعا ءتۇسۋدىڭ، كوروناۆيرۋس ينفەكتسياسىنان بولاتىن اۋىر اۋرۋ اعىمى مەن ءولىمنىڭ الدىن الۋدىڭ جالعىز ءتاسىلى.

نۇر-سۇلتانداعى №15 قا­­لالىق ەمحانانىڭ دارى­گەرى گيۋزەل ەگىنباي رەۆاكتسينالاۋ العاشقى جا­سال­عان ەكپەدەن كەيىنگى يم­مۋنيتەتتى كۇ­شەيتەتىنىن ايتتى.

«رەۆاكتسينالاۋ – ۆاكتسينانى نەمەسە ونىڭ كوم­پونەنتتەرىنىڭ ءبىرىن قاي­تا ەنگىزۋ. بۇل شارا ال­دىڭعى ۆاكتسينالاردان كەيىن­گى يممۋنيتەتتى قول­داۋ­عا باعىت­تالعان. جال­پى، رەۆاكتسينالاۋ يم­مۋنيتەتتىڭ ۆيرۋسپەن كۇ­رە­سۋى ءۇشىن جاسالادى. ۋا­قىت وتە كەلە اعزانىڭ كوروناۆيرۋس ينفەكتسياسىنان قورعالۋ دارەجەسى تومەندەيدى، وسىعان بايلانىستى ۆاكتسينانى قايتا الۋ قاجەت. قازاقستاندا رەۆاكتسينالاۋ شارتتى تۇردە ەكى كەزەڭ بو­يىنشا وتەتىنى بەلگىلى. ءبىرىنشى كەزەكتە قاۋىپ توبىنداعى ادامدار ەگىلەدى. الدىمەن مەديتسينا قىزمەتكەرلەرى، پەداگوگتەر، كۇش قۇرىلىم­دارى مەن جابىق بالالار مەكەمەلەرىنىڭ قىزمەت­كەرلەرى رەۆاكتسينالاۋدان وتەدى. سونداي-اق رەۆاكتسينالاۋ نەگىزىنەن سوزىلمالى ينفەكتسيامەن اۋىر­عان نەمەسە وتكىر ينفەكتسيا جۇقتىرعان ادامدار ءۇشىن قاجەت. مۇنداي ادامداردا يممۋنيتەتتىڭ السىرەۋى ءجيى كەز­دەسەدى جا­نە كوروناۆيرۋسقا قار­سى يممۋندىق كۇشتى ساقتاۋ ءۇشىن پاتسيەنتتەرگە رەۆاك­تسي­نا­لاۋ قاجەت. ايتا كەتۋ كەرەك، رەۆاك­­­تسينالاۋ ينفەكتسيانى قايتا جۇق­تى­­رۋ قاۋپىن كۇرت تومەندەتەدى. رەۆاك­تسينالاۋ ءتارتىبى ەك­پەنى العاش العان كەزدە­گىدەي جۇرگىزىلەدى»، دەدى گ.ەگىنباي.

دەنساۋلىق ساقتاۋ مي­نيستر­لىگىنىڭ كەشەگى كۇنگى مالىمەتى بويىنشا 110 731 ادام كوروناۆيرۋس ين­فەك­­تسياسىنان ەمدەلۋدە، ولار­دىڭ ىشىندە 8 344 پاتسيەنت ستاتسيوناردا، 102 387 ناۋقاس امبۋلاتورلىق دەڭ­گەيدە ەم قابىلداۋدا. كۆي-گە شالدىققانداردىڭ اراسىندا 299 ادامنىڭ جاعدايى اۋىر، 88 پاتسيەنت­تىڭ جاعدايى وتە اۋىر، 49 ناۋ­قاس ءوجت اپپاراتىندا جاتىر.

ايتا كەتەتىن جايت، ەلى­­مىزدە كوروناۆيرۋس جۇق­تىرعانداردىڭ وقشاۋ­لانۋ مەرزىمى قىسقارادى. باس سانيتار دارىگەردىڭ ءتيىستى قاۋلىسى ازىرلەنىپ جاتىر. ەندى كوۆيدپەن اۋىرعاندار تەك 10 كۇنگە كارانتينگە جابىلادى. پتر-تەستىڭ قورىتىندىسى بويىنشا Ashyq-تاعى مارتەبە ءبىر اپتادا اۋىسادى. جاڭا قاۋلى قابىلدانعانعا دەيىن كارانتين ءتارتىبى 14 كۇن بولادى.