وقيعا • 20 قاڭتار، 2022

18 جىل بويى ىزدەۋدە جۇرگەن ازامات ۇستالدى

240 رەت كورسەتىلدى

پاۆلوداردا 18 جىل بويى مەملەكەتارالىق ىزدەۋدە جۇرگەن ەر ادام ۇستالدى، دەپ حابارلايدى Egemen.kz.

بۇل تۋرالى Polisia.kz سايتى ءمالىم ەتتى.

سايت مالىمەتىنشە، قازاقستاننىڭ 59 جاستاعى ازاماتى 2003 جىلى شىلدەدە رەسەي فەدەراتسياسىنىڭ مەملەكەتتىك شەكاراسىن زاڭسىز كەسىپ ءوتتى دەگەن كۇدىككە ىلىنگەن.

«سول كەزدە ەر ادامدى رەسەي فەدەراتسياسىنىڭ فسب قىزمەتكەرلەرى ۇستاعان، رەسەي فەدەراتسياسىنىڭ قىلمىستىق كودەكسىنىڭ 322-بابى 1-بولىگى بويىنشا قىلمىستىق ءىس قوزعالدى، ەر ادامنان «ەشقايدا كەتپەۋ تۋرالى قولحات» الىنعان. الايدا سول كەزدە 40 جاستا بولعان ەر ادام قازاقستانعا كەتىپ قالعان. وسى جىلدار ىشىندە ىزدەستىرىلىپ جاتقان قىلمىسكەر پاۆلودار قالاسىندا تۇرعان»، دەدى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى وكىلدەرى.

ەر ادام مەملەكەتارالىق ىزدەۋدە جۇرگەنى تۋرالى اقپاراتتى رەسەي فەدەراتسياسىنىڭ قۇقىق قورعاۋ ورگاندارى بەرگەن.

 

 

سوڭعى جاڭالىقتار

ۇقساس جاڭالىقتار