قازاقستان • 20 قاڭتار، 2022

مونيتورينگتىك توپتاردىڭ جۇمىس ءتارتىبى بەكىتىلدى

81 رەت كورسەتىلدى

سانيتاريالىق-ەپيدەميولوگيالىق باقىلاۋ كوميتەتى مونيتورينگتىك توپتاردى قۇرۋ جانە مونيتورينگ جۇرگىزۋ ءتارتىبىن ازىرلەدى، دەپ حابارلايدى Egemen.kz.

مونيتورينگتىك توپتاردىڭ قىزمەتى جەكە جانە زاڭدى تۇلعالاردىڭ قوعامدىق ءتارتىپتى ساقتاۋىنا، سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق، شەكتەۋ ءىس-شارالارىنا، ونىڭ ىشىندە ينفەكتسيالىق اۋرۋلاردىڭ تارالۋ قاۋپىنىڭ الدىن الۋعا بايلانىستى كارانتينگە مونيتورينگ جۇرگىزۋ بولىپ تابىلادى.

مونيتورينگتىك توپتاردىڭ قۇرامىنا اكىمدىكتەردىڭ، ءىىو-نىڭ وكىلدەرى، جۇرتشىلىق پەن ەرىكتىلەر، سونداي-اق باسقا دا مۇددەلى تۇلعالار كىرەدى.

اكىمدىكتەر مگق قىزمەتىن ۇيلەستىرۋگە، ونىڭ ىشىندە رەيدتى الدىن الا تىركەۋدى جانە مونيتورينگ جۇرگىزۋ ناتيجەلەرىن اقپاراتتىق رەسۋرستا جۇزەگە اسىرۋعا جاۋاپتى لاۋازىمدى ادامداردى ايقىندايدى.

مونيتورينگ توپتارى ەپيدەميولوگيالىق جاعدايدىڭ ماتريتساسىنا سايكەس «سارى» جانە «قىزىل» ايماقتا ورنالاسقان وڭىرلەردە قىزمەتىن جۇزەگە اسىرادى.

مونيتورينگ وبەكتىسىنە شىعار الدىندا مونيتورينگتىك توپتىڭ بارلىق مۇشەلەرىنىڭ مارتەبەسى «جاسىل» بولۋى ءتيىس.

رەيد بارىسىندا قانداي تەكسەرىستەر جۇرگىزىلەدى؟

  1. وبەكتىنىڭ قىزمەتىن شەكتەۋگە قويىلاتىن تالاپتاردى ساقتاۋ (جۇمىس رەجيمى);
  2. وتباسىلىق، ەسكە الۋ ءىس-شارالارىن (بانكەتتەر، ۇيلەنۋ تويلارى، مەرەيتويلار، ەسكە الۋ) جانە ادامدار كوپ جينالاتىن وزگە دە ءىس-شارالاردى وتكىزۋدى شەكتەۋگە قويىلاتىن تالاپتاردى ساقتاۋ;
  3. الەۋمەتتىك قاشىقتىقتى ساقتاۋ;
  4. ماسكا رەجيمىن ساقتاۋ;
  5. كەلۋشىلەر سانىنىڭ ءليميتىن ساقتاۋ;
  6. قىزمەتكەرلەردە (پەرسونالدا) COVID-19-عا قارسى ۆاكتسيناتسيانىڭ بولۋى;
  7. كەلۋشىلەر مەن قىزمەتكەرلەرگە سكانەرلەۋسىز كىرۋگە جانە كىرەبەرىستە ارنايى QR-كودتى كورسەتۋگە تىيىم سالۋدى ساقتاۋ.

قۇجاتتىڭ تولىق ءماتىنىن «اشىق نقا» سايتىنان كورۋگە بولادى.

سوڭعى جاڭالىقتار

ۇقساس جاڭالىقتار