سپيكەردىڭ ايتۋىنشا, باس پروكۋراتۋرا مەن جەرگىلىكتى پروكۋرورلار ەلىمىزدىڭ ءار وڭىرىندە بولعان ميتينگىلەر مەن جاپپاي تارتىپسىزدىكتىڭ العاشقى كۇننەن باستاپ جينالعاندارعا زاڭناما تالاپتارىن ورىنداۋ قاجەتتىلىگى
تۋرالى بىرنەشە رەت تۇسىندىرگەن. ء«بىز الاڭعا جينالعان حالىقتى زاڭسىز ارەكەتتەردەن ساقتاندىردىق. سەبەبى زاڭ بۇزۋشىلىق بولعان جاعدايدا قۇقىق قورعاۋ ورگاندارى كىنالىلەردى قىلمىستىق نەمەسە اكىمشىلىك جاۋاپتىلىققا تارتۋ ءۇشىن شارالار قابىلداۋعا مىندەتتى», دەدى ول.
مەملەكەت باسشىسى دا حالىققا ۇندەۋ جاساپ, پاراساتتىلىق تانىتۋعا جانە ارانداتۋشىلىققا ەرمەۋگە شاقىردى. وكىنىشكە قاراي, كەي ازاماتتار ورتاق تالاپ پەن تارتىپكە مويىنسۇنعان جوق. «باستاپقىدا بەيبىت جينالىستار وتكىزۋدىڭ زاڭمەن بەلگىلەنگەن ءتارتىبى بۇزىلدى. وسىعان قاراماستان, نارازىلىق اكتسيالارى بەيبىت سيپاتتا بولعاندىقتان بۇزۋشىلارعا شارالار قولدانىلعان جوق. قاراقشىلار جاعدايدى پايدالانىپ, قىلمىس جاساي باستادى: كۇش پەن قارۋ قولداندى, بۇعان باسقالاردى شاقىردى, عيماراتتار مەن كولىكتەردى باسىپ الىپ, ورتەدى, ادامداردى ءولتىردى. وسىدان كەيىن قوعامدىق ءتارتىپتى قامتاماسىز ەتۋ جانە قىلمىستىڭ جولىن كەسۋ ماقساتىندا ءتارتىپ بۇزۋشىلار ۇستالىپ, پوليتسياعا جەتكىزىلدى. ءىس-ارەكەتتەرىنىڭ سيپاتى مەن سالدارىنا قاراي ولار اكىمشىلىك جاۋاپتىلىققا نەمەسە قىلمىستىق جازاعا تارتىلۋدا», دەپ مالىمدەدى ا.سارعازين.
باس پروكۋراتۋرا وكىلى بۇل رەتتە ءاربىر قۇقىق بۇزۋشىنىڭ ءىس-ارەكەتى وبەكتيۆتى جانە مۇقيات تەكسەرىلىپ, جاۋاپتىلىق شارالارى جاسالعان قۇقىق بۇزۋشىلىقتىڭ سيپاتى مەن كىنالىنىڭ جەكە باسى ەسكەرىلە وتىرىپ قابىلداناتىنىن مالىمدەدى.
مەملەكەت باسشىسى باس پروكۋراتۋراعا وسى كۇندەرى ءارتۇرلى قۇقىق بۇزۋشىلىقتار ءۇشىن ۇستالعان ادامداردىڭ كىنا دارەجەسىن انىقتاپ, اۋىرلاتاتىن ءمان-جايلار بولماعان جاعدايدا جازانى جەڭىلدەتۋدى تاپسىردى. وسىعان وراي ەلدەگى جاپپاي تارتىپسىزدىك پەن لاڭكەستىك وقيعانىڭ ستاتيستيكاسى مەن سيپاتىنا توقتالعان ا.سارعازين سوتتاردىڭ قازىرگى تاڭدا 8 354 اكىمشىلىك ءىس قاراعانىن دا ايتىپ ءوتتى.
«3 337 قۇقىق بۇزۋشىعا قاماققا الۋ نەمەسە ايىپپۇل تۇرىندە جازا قولدانىلماي, ەسكەرتۋ عانا جاسالدى. ال 1 653 ءىس بويىنشا سوت ايىپپۇل سالدى. قازىرگى تاڭدا مىڭنان استام ادام قاماقتا. ولاردىڭ اكىمشىلىك جازاسىن جەڭىلدەتۋ ماقساتىندا پروكۋرورلار اپەللياتسيالىق سوتقا
1 758 ءوتىنىش حات ەنگىزدى. قازىرگى تاڭدا پروكۋرورلاردىڭ ءوتىنىش حاتتارى بويىنشا 676 ادام قاماقتان بوساتىلىپ, 344 ادامنىڭ ايىپپ ۇلى ەسكەرتۋگە اۋىستىرىلدى. پروكۋرورلاردىڭ جازانى جەڭىلدەتۋگە جانە ايىپپۇلدى ەسكەرتۋگە اۋىستىرۋعا باعىتتالعان 738 ءوتىنىش حات قارالۋ ۇستىندە. بۇدان بولەك تاعى 358 اكىمشىلىك ءىس ماتەريالداردى سوتقا جىبەرىلمەي توقتاتىلدى. سونىمەن قاتار اۋىر جانە اسا اۋىر قىلمىستار بويىنشا 695 سوتقا دەيىنگى تەرگەپ-تەكسەرۋلەر باستالدى. ونىڭ ىشىندە: 44-ءى – تەرروريزم اكتىسى, 15-ءى – كىسى ءولتىرۋ, 6 ءىس ناسيحاتتاۋ فاكتىلەرى جانە بيلىكتى باسىپ الۋعا شاقىرۋ بويىنشا. كۇدىكتى رەتىندە 780 ادام ۇستالىپ, ونىڭ 695-ءىن سوت قاماققا الدى», دەدى باس پروكۋراتۋرا وكىلى.
ازامات سەرعازين بارلىق ءىس بويىنشا پروكۋرورلار ازاماتتاردىڭ قۇقىقتارىنىڭ ساقتالۋىن قامتاماسىز ەتەتىنىن اتاپ ءوتتى. قىلمىستىق ىستەردىڭ ايىپتالۋشىلارىنا, ونىڭ ىشىندە ۇستالعاندارعا ۋاقتىلى زاڭ كومەگى كورسەتىلۋدە. ءسوزىنىڭ سوڭىندا ول ازاماتتاردى ارانداتۋشىلىققا ۇرىنىپ قالماي, رەسمي اقپارات كوزدەرىنە عانا سەنۋگە جانە قۇقىقتىق ءتارتىپتى ساقتاۋعا شاقىردى.
