كوروناۆيرۋس • 20 قاڭتار، 2022

«وميكرون» ءورشىپ بارادى

1084 رەت كورسەتىلدى

كۇننەن-كۇنگە بەلەڭ الىپ كەلە جاتقان «وميكرون» شتامى ەپيدە­ميا­لىق احۋالدى ودان سايىن ۋشىق­تىرىپ جىبەردى. وتكەن تاۋ­لىكتە كوروناۆيرۋس ينفەكتسياسىن جۇقتىرعان 13 874 جاعداي تىركەلدى. ىن­دەتتىڭ ءورشۋى ەلىمىزدىڭ بارلىق تۇ­سىندا بايقالىپ، بۇگىندە 16 ءوڭىر­ىمىز «قىزىل ايماقتا» تۇر.

ەلىمىزدە كەيىنگى ايدا ىندەتكە شالدىعۋ 19،6 ەسە ءوسىپتى. بۇل رەتتە رەپرودۋكتيۆتى سان 2،1 ەسە، Covid-19-عا تەستىلەۋدىڭ تاۋلىكتىك كولەمى 3،5 ەسە ارتىپ، 50 مىڭ تەستكە جەتتى.

جاعدايدىڭ بۇلاي كۇرت ناشارلاۋىنا كوروناۆيرۋستىڭ «وميكرون» نۇسقاسىنىڭ تەز تارالۋى ىقپال ەتىپ وتىر.

دەنساۋلىق ساقتاۋ ءمينيسترى اجار عينيات «وميكرون» شتامىمەن اۋىرۋ جەڭىل جانە ورتاشا اۋىرلىقتا جۇرەتىنىن جانە شامامەن 2 كۇندىك قىسقا ينكۋباتسيالىق كەزەڭمەن سيپاتتالاتىنىن، سوندىقتان كوپتەگەن پاتسيەنت ۇيدە ەمدەلەتىنىن حابارلادى.

«اۋرۋدىڭ العاشقى بەلگىلەرى – تۇماۋ كورىنىسىنىڭ پايدا بولۋى، ياعني تۇماۋ مەن جەدەل رەسپيراتورلىق اۋرۋلارداعىداي قىزبا، السىزدىك، باس اۋرۋى جانە جوتەلدىڭ بايقالۋى. اۋرۋ­حاناعا جاتقىزىلعان ناۋقاستاردىڭ ۇلەس سالماعى ىندەت انىق­تالعان جاعدايلاردىڭ 19،5%-ىن قۇرايدى. ستاتسيونارعا اۋرۋ­دىڭ ورتاشا جانە اۋىر دارەجە­سىندەگى پاتسيەنت­تەر تۇسەدى. ولار­دىڭ ىشىندە ءۇش كۇننەن اسا تەمپە­راتۋرانىڭ جوعارىلاۋى، ەنتىگۋ، ينتوك­سيكاتسيانىڭ ايقىن بەلگى­لەرى بار، سونداي-اق قاۋىپ توبىنا جاتاتىن ناۋقاستار بايقالادى. بۇل رەتتە اۋىر جانە وتە اۋىر ناۋقاس­تاردىڭ ۇلەسى اۋرۋحاناعا جات­قى­زىلعانداردىڭ 5%-ىن قۇ­رايدى، ولار جانساقتاۋ بولىم­شەسىندە جا­تىر»، دەدى ۆەدومستۆو باسشىسى.

امبۋلاتوريالىق ناۋقاستار سانىنىڭ كوبەيۋىن ەسكەرە وتىرىپ، دەنساۋلىق ساق­تاۋ مينيس­ترلىگى وڭىرلەردىڭ جەرگىلىكتى اتقا­رۋشى ورگان­دارىمەن بىرلەسىپ، ۋاقتىلى مەدي­تسينالىق كومەكتى نىعايتۋ جانە ۇيىم­داستىرۋ بو­يىنشا شارالار قابىلدايدى. وسى­لايشا، 3 054 ءموبيلدى بريگادا، رەزەرۆتە 1 622 بريگادا جۇمىس ىستەيدى. ىندەت جۇق­تىرعان ناۋقاستاردى امبۋلاتوريالىق ەمدەۋگە ۋچاسكەلىك مەديتسينا قىزمەتكەرلەرى قاراستىرىلعان. شۇعىل مەديتسينالىق كومەكتى
1 486 جەدەل مەديتسينالىق جاردەم بريگاداسى كورسەتەدى، رەزەرۆتە 150 بريگادا بار.

سونىمەن قاتار ا.عينيات ەل اۋقىمىندا لوكداۋن ەنگىزۋ جوسپارلانباعانىن، قولدانىپ وتىرعان شەكتەۋ شارالارى دەن­ساۋلىق ساقتاۋ جۇيەسىنە تۇسەتىن جۇكتەمەنى جەڭىلدەتۋگە، كو­­رو­نا­ۆيرۋس ينفەكتسياسىنان بولاتىن ءولىم-ءجىتىمدى ازايتۋعا باعىت­تال­عانىن، بۇل رەتتە شۇ­عىل كومەك حا­لىققا قولجەتىمدى ەكەنىن اتاپ ءوتتى.

وڭىرلەردىڭ ىشىندە ەلوردادا ىندەت تىم قاتتى ۋشىعىپ تۇر. وتكەن تاۋلىكتە ءبىر قالانىڭ وزىنەن 4 874 كوروناۆيرۋس جۇقتىرۋ جاعدايى تىركەلدى. بۇل – باسقا وڭىرلەرمەن سالىستىرعاندا 10 ەسەدەن اسا كورسەتكىش. سوندىقتان دا استانادا 12 قاڭتاردان باس­تاپ قالانىڭ باس سانيتارلىق دارىگەرىنىڭ شەكتەۋ جانە كارانتين شارالارىن قاتاڭداتۋ تۋرالى قاۋلىسى قابىلداندى. Ashyq جوباسىنا قاتىساتىن وبەكتىلەردە 30 ادامعا دەيىن ەسكە الۋ شارالارىن قوسپاعاندا، بۇقارالىق، وتباسىلىق ءىس-شارالاردى اشىق اۋادا دا، ءۇي ىشىندە دە وتكىزۋگە تىيىم سالىنادى. Ashyq جوباسىنا قاتىسقانىنا قاراماستان، كونتسەرت زالدارىنىڭ، فيلار­مو­نيالاردىڭ، تەاترلاردىڭ، تسيركتەردىڭ، كينوتەاترلاردىڭ، تۇنگى كلۋبتار مەن كاراوكە بارلارىنىڭ قىزمەتى شەكتەلدى. جۇما نامازى جانە ءدىني راسىمدەر سياقتى ۇجىمدىق ءىس-شارالارعا تىيىم سالىنادى. سونىمەن قاتار كونفەرەنتسيالار، سەمينارلار، كورمەلەر، فورۋمدار وتكىزۋگە بولمايدى.

سونىمەن قاتار ەلوردانىڭ اۋداندىق اكىمدىكتەرى تۇسىندا 12 مونيتورينگتىك توپ جۇمىس ىستەپ جاتىر. ولاردىڭ قىزمەتى شەكتەۋ جانە كارانتين شارالارىن بۇزۋعا جول بەرمەۋگە باعىتتالعان. بيىل كاسىپكەرلىك وبەكتىلەرىندە كا­رانتين شارالارىن بۇزۋ بو­يىنشا فاكتىلەر تىركەلىپ جاتىر. وسى ورايدا قالادا توتەنشە جاع­داي رەجىمىنىڭ توقتاۋى كارانتين رەجىمىنىڭ اياق­تالۋىن بىلدىرمەيتىنىن ايتا كەتكەن ءجون.

پ

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 12:15

الماتىدا كىتاپ جارمەڭكەسى وتەدى

ايماقتار • بۇگىن، 09:40

ۇقساس جاڭالىقتار