پوليتسيا قىزمەتكەرلەرى كۇدىكتىنى ۇلى دالا داڭعىلىنداعى جالدامالى پاتەرلەردىڭ بىرىندە ۇستادى. ءتىنتۋ بارىسىندا الماتى قالاسىنداعى «بەلىي ۆەتەر» دۇكەنىنەن ۇرلانعان «نر» ماركالى نوۋتبۋك, «Iphone 11», «Iphone 6» ماركالى ۇيالى تەلەفوندار تابىلىپ, تاركىلەندى.
كۇدىكتىنىڭ 4 قاڭتاردا الماتى قالاسىنداعى كومپيۋتەرلىك كلۋبتا جۇمىس ورنىندا بولعانى انىقتالدى. جاقىن جەردە «بەلىي ۆەتەر» دۇكەنىنە شابۋىل جاسالعانىن بىلگەن ول قويماعا بارىپ, ءتورت دانا «Iphone 11» جانە «Iphone 13» ماركالى ۇيالى تەلەفوندارىن جانە «نر» ماركالى ەكى نوۋتبۋكتى ۇرلاپ كەتكەن. ۇرلىق جاسالعاننان كەيىن كەلەسى كۇنى جاس جىگىت الماتىدان ەلورداعا بەت الدى.
بۇل فاكتى بويىنشا قىلمىستىق ءىس قوزعالدى. كۇدىكتى دپ ۋۇي-عا قاماۋعا الىندى.
جەدەل ءىس-شارالاردى وتكىزۋ كەزىندە ۇرىدان «Iphone 13» ۇيالى تەلەفونىن ساتىپ العان ادام انىقتالدى. تەلەفون تاركىلەندى.
پوليتسيا دەپارتامەنتى ازاماتتاردى قۇندى زاتتار مەن تەحنيكانى ساتۋ تۋرالى كۇدىكتى ۇسىنىستاردان ساق بولۋدى ەسكەرتەدى.
«تاۋارلاردى ساتىپ العان كەزدە قىراعىلىق تانىتىپ, ساتۋشىدان چەك نەمەسە كەپىلدىك تالونىن سۇراڭىز, كۇدىك تۋىنداعان جاعدايدا پوليتسياعا حابارلاڭىز. ەستەرىڭىزگە سالا كەتەيىك, قىلمىستىق جولمەن تابىلعان م ۇلىكتى ساتىپ الۋ نەمەسە ساتۋ قىلمىستىق جاۋاپكەرشىلىككە اكەپ سوعادى», دەپ تولىقتىردى پد.
