كوروناۆيرۋس • 19 قاڭتار، 2022

ەلوردادا ەپيداحۋال ناشارلادى

58 رەت كورسەتىلدى

ەلورداداعى ەپيدەميولوگيالىق جاعداي ءالى دە شيەلەنىسە تۇسۋدە، دەپ حابارلايدى Egemen.kz.

نۇر-سۇلتان قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە، تەك سوڭعى تاۋلىكتە 4 874 جاعداي تىركەلگەن. ونىڭ ىشىندە 1 074 جاعداي - سيمپتومدى، 3 800-ءى - سيمپتومسىز. قاڭتار ايىنىڭ باسىنان بەرى بارلىعى 44 923 جاعداي تىركەلدى. بۇل 2021 جىلعى جەلتوقساندا تىركەلگەن 2 737 جاعدايدان 16 ەسە جوعارى.

ەلورداداعى COVID-19 بويىنشا قولايسىز ەپيدەميولوگيالىق احۋال قالا تۇرعىندارىنىڭ ماسكا رەجيمىن، الەۋمەتتىك قاشىقتىقتى ساقتاماۋىمەن، ۆاكتسيناتسيانى ەسكەرمەۋىمەن جانە قالا اۋماعىندا «وميكرون» كونتاگيوزدى شتامىنىڭ تەز تارالۋىمەن بايلانىستى بولىپ وتىر.

جاڭا شتامم - وميكروننىڭ تارالۋ كوەففيتسيەنتى 1:5، ياعني دەلتا نۇسقاسىنان 70 ەسە جىلدام تارالادى. تاۋلىگىنە ەڭ جوعارعى اۋرۋشاڭدىق كورسەتكىشى 15 قاڭتاردا ورىن الىپ، 5 826 جاعداي تىركەلدى. بۇل بۇكىل پاندەميا كەزەڭىندەگى رەكوردتىق كورسەتكىش. «وميكرون» شتامىنىڭ انىقتالۋىن جانە قالاداعى قولايسىز ەپيدەميولوگيالىق احۋالدى ەسكەرە وتىرىپ، 12 قاڭتاردان باستاپ ەلوردانىڭ باس سانيتارلىق دارىگەرىنىڭ شەكتەۋ جانە كارانتين شارالارىن قاتاڭداتۋ تۋرالى قاۋلىسى قابىلداندى.

Ashyq جوباسىنا قاتىساتىن وبەكتىلەردە 30 ادامعا دەيىن ەسكە الۋ شارالارىن قوسپاعاندا، بۇقارالىق ءىس - شارالاردى اشىق اۋادا دا، ءۇي ىشىندە دە، وتباسىلىق، ەستەلىك ءىس-شارالاردى قوسا العاندا، ونىڭ ىشىندە ۇيدە وتكىزۋگە تىيىم سالىنادى.

Ashyq جوباسىنا قاتىسقانىنا قاراماستان، كونتسەرت زالدارىنىڭ، فيلارمونيالاردىڭ، تەاترلاردىڭ، تسيركتەردىڭ، كينوتەاترلاردىڭ، تۇنگى كلۋبتار مەن كاراوكە بارلارىنىڭ قىزمەتىنە تىيىم سالىنادى.

جۇما نامازى جانە ءدىني راسىمدەر سياقتى ۇجىمدىق ءىس-شارالارعا تىيىم سالىنادى. سونىمەن قاتار كونفەرەنتسيالار، سەمينارلار، كورمەلەر، فورۋمدار وتكىزۋگە شەكتەۋ ەنگىزىلدى.

ايتا كەتەيىك، بۇل شارالار قالا تۇرعىندارى اراسىندا كوروناۆيرۋستىق ينفەكتسيانىڭ تارالۋ جانە جۇقتىرۋ قاۋپىن بولدىرماۋ ءۇشىن قابىلداندى. سونىمەن قاتار ەلوردانىڭ اۋداندىق اكىمدىكتەرى تۇسىندا12 مونيتورينگتىك توپ جۇمىسىن جالعاستىرۋدا، ولاردىڭ قىزمەتى شەكتەۋ جانە كارانتين شارالارىن بۇزۋعا جول بەرمەۋگە باعىتتالعان.

ايتا كەتۋ كەرەك، ەلوردادا توتەنشە جاعداي رەجيمىنىڭ الىپ تاستالۋى، كارانتيندىك رەجيمنىڭ اياقتالۋىن بىلدىرمەيدى. قالادا شەكتەۋ شارالارى ءالى دە جالعاسۋدا. جاڭا ۆيرۋستىڭ تارالۋ قاۋپى ءالى دە جوعارى.

«وسىعان بايلانىستى، سانيتارلىق-ەپيدەميولوگيالىق باقىلاۋ دەپارتامەنتى ەلوردا تۇرعىندارى مەن قوناقتارىن، سونداي-اق كاسىپكەرلىك سۋبەكتىلەرىن كوروناۆيرۋستىق ينفەكتسيانىڭ ودان ءارى تارالۋىن جانە لوكداۋننىڭ ەنگىزىلۋىن بولدىرماۋ ءۇشىن سانيتارلىق ەرەجەلەر مەن كارانتين تالاپتارىن قاتاڭ ساقتاۋعا شاقىرادى. حالىقتىڭ كوپ بولىگى ۆاكتسيناتسيا مەن رەۆاكتسياناتسيا قابىلداماي، پاندەميا اياقتالمايتىنىن ءتۇسىنۋىمىز كەرەك. اياقتالعان يممۋنيزاتسيا عانا ءبىزدى قالىپتى ومىرىمىزگە ورالۋعا مۇمكىندىك بەرەدى»، دەپ اتاپ ءوتتى دەپارتامەنتتەن.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار