«بۇل مەملەكەت باسشىسىنىڭ كۆوتالاناتىن ساناتتاردى كەڭەيتۋ جونىندەگى تاپسىرماسىن ىسكە اسىرۋعا بايلانىستى, وعان سايكەس «سايلاۋ تۋرالى» كونستيتۋتسيالىق زاڭنان بولەك «ساياسي پارتيالار تۋرالى» زاڭعا ءتيىستى تۇزەتۋلەر ەنگىزۋ قاجەت. زاڭ جوباسىن قاراۋ بارىسىندا دەپۋتاتتار قاۋىپسىزدىك كەڭەسى مەن قازاقستان حالقى اسسامبلەياسى قىزمەتىنىڭ ماسەلەلەرى بويىنشا كەيبىر زاڭنامالىق اكتىلەرگە تۇزەتۋلەر ەنگىزۋگە باستاما جاسادى», دەدى ادىلەت ءمينيسترى قانات مۋسين.
ءوز كەزەگىندە ءماجىلىس دەپۋتاتى گەننادي شيپوۆسكيح بۇگىندە ەلىمىزدە 700 مىڭعا جۋىق قازاقستاندىقتىڭ مۇگەدەكتىگى بار ەكەنىن ەسكەرىپ, ولاردىڭ پارتيالىق جۇمىسقا قانشالىقتى دايىن ەكەنىن سۇرادى.
«ارينە تالداۋ جۇرگىزىلدى. مينيسترلىك ەرەكشە قاجەتتىلىگى بار ادامداردىڭ مۇددەلەرىن بىلدىرەتىن ۇيىمداردىڭ وكىلدەرىمەن ديالوگ قۇردى. جالپى حالىقتى الەۋمەتتىك قورعاۋ سالاسىنداعى مۇددەلى ورگاندار مۇگەدەك جانداردىڭ پارتيالىق جۇمىسقا دايىن بولماۋى تۋرالى كۇمان بىلدىرگەن جوق. سونداي-اق مۇگەدەكتىگى بار ادامداردىڭ پارلامەنت ءماجىلىسى دەپۋتاتتىعىنا كانديتاتۋراسىن قاراۋ تۋرالى مينيسترلىككە جۇگىنۋ فاكتىلەرى بار. ەرەكشە قاجەتتىلىكتەرى بار ادامداردىڭ ساياسي زاڭناما جۇمىستارىنا, زاڭ شىعارۋ جۇمىسىنا دايىن دەپ سانايمىز», دەدى قانات مۋسين.
زاڭ جوباسىن قابىلداۋدىڭ ماقساتى كۆوتالاناتىن ساناتتاردى وعان مۇگەدەكتىگى بار ادامداردى ەنگىزە وتىرىپ كەڭەيتۋ بولىپ سانالادى.
ءماجىلىس دەپۋتاتتارى اتالعان زاڭ جوباسىن ءبىراۋىزدان قابىلدادى.
