ايماقتار • 18 قاڭتار، 2022

پاۆلوداردا سىلەۋسىن مەن ەلىك اۋلاعاندار ۇستالدى

55 رەت كورسەتىلدى

پاۆلودار وبلىسىندا سىلەۋسىن مەن ەلىك اۋلاعان توعىز ادام ۇستالدى، دەپ حابارلايدى Egemen.kz.

باياناۋىل اۋدانى قىزىلتاۋ اۋىلدىق وكرۋگى اۋماعىندا سيرەك كەزدەسەتىن جانۋارلاردى زاڭسىز اۋلاعانى ءۇشىن 9 ەر ادام ۇستالدى، ولاردىڭ ۇشەۋى – الماتى قالاسىنىڭ تۇرعىندارى.

سونداي-اق ۇستالعانداردان سىلەۋسىننىڭ ەكى تەرىسى جانە ەلىكتىڭ ءبىر ۇشاسى تاركىلەندى. 

ايتا كەتۋ كەرەك، پاۆلودار وبلىسىندا سىلەۋسىن اۋلاۋعا تىيىم سالىنعان، ال ەلىك اۋلاۋعا 2022 جىلدىڭ 1 قاڭتارىنان تامىزىنا دەيىن تىيىم سالىنعان.

پوليتسيا زاڭسىز اڭ اۋلاۋ فاكتىسى بويىنشا قر قك 337-بابى بويىنشا سوتقا دەيىنگى تەرگەۋ باستالعانىن اتاپ ءوتتى. ساراپتاما تاعايىندالدى.

2021 جىلى تابيعاتتى قورعاۋ پوليتسەيلەرى زاڭسىز اڭ اۋلاۋدىڭ 481 فاكتىسىن انىقتادى.

سوڭعى جاڭالىقتار

ۇقساس جاڭالىقتار