اۋا رايى • 18 قاڭتار، 2022

ەلىمىزدىڭ باسىم بولىگىندە قار جاۋىپ، كوكتايعاق بولادى

69 رەت كورسەتىلدى

قازاقستان ايماقتارىندا بۇگىنگى، 18 قاڭتاردا بولاتىن ەرەكشە مەتەورولوگيالىق قۇبىلىستارعا بولجاۋ كونسۋلتاتسياسى جاريالاندى، دەپ جازادى Egemen.kz.

قر باسىم بولىگىندە فرونتالدى بولىكتەردىڭ وتۋىمەن اۋا رايىنىڭ تۇراقسىز سيپاتى ساقتالادى، جاۋىن-شاشىن كوبىنەسە قار تۇرىندە وتەدى. رەسپۋبليكانىڭ تەك باتىس، سولتۇستىك-باتىس، سولتۇستىك اۋداندارى انتيتسيكلوننىڭ ىقپالىندا بولادى، سوندىقتان جاۋىن-شاشىنسىز اۋا رايى باسىم بولادى دەپ كۇتىلۋدە. رەسپۋبليكا بويىنشا كەي جەرلەردە جاياۋ بۇرقاسىن بولىپ، تۇمان، كوكتايعاق بولادى.

شىعىس قازاقستان وبلىسىنىڭ باتىسىندا، سولتۇستىك-شىعىسىندا جاياۋ بۇرقاسىن، جولداردا كوكتايعاق، سولتۇستىكتە تۇمان كۇتىلەدى. جامبىل وبلىسىنىڭ سولتۇستىگىندە، تاۋلى جانە تاۋ بوكتەرى اۋداندارىندا تۇمان، كوكتايعاق، تاۋلى اۋدانداردا جەلدىڭ كۇشەيۋى 15-20 م/س. تۇندە الماتى وبلىسىنىڭ وڭتۇستىگىندە، شىعىسىندا تۇمان، كوكتايعاق، تۇندە وبلىستىڭ شىعىسىندا جەلدىڭ كۇشەيۋى 18-23 م/س بولادى. 

تۇركىستان وبلىسىنىڭ وڭتۇستىگىندە، باتىسىندا، تاۋلى جانە تاۋ بوكتەرىندەگى اۋداندارىندا تۇمان، كۇندىز تاۋلى اۋدانداردا جەل 15-20 م/س كۇشەيەدى. تۇندە ماڭعىستاۋ وبلىسىنىڭ وڭتۇستىك-باتىسىندا كوكتايعاق، كۇندىز باتىستا، ورتالىقتا جەل 15-20 م/س كۇشەيەدى. 

سولتۇستىك قازاقستان وبلىسىنىڭ سولتۇستىك-باتىسىندا، وڭتۇستىك-شىعىسىندا تۇمان، سولتۇستىگىندە، سولتۇستىك-شىعىسىندا جەل 15-20 م/س جاياۋ بۇرقاسىنمەن كۇشەيەدى. اقمولا وبلىسىنىڭ سولتۇستىك-باتىسىندا، وڭتۇستىك-شىعىسىندا 15-20 م/س جاياۋ بۇرقاسىنمەن  جەل سوعادى. كۇندىز باتىس قازاقستان وبلىسىنىڭ باتىسىندا، سولتۇستىك-باتىسىندا كوكتايعاق، 15-20 م/س جەل تۇرادى، وبلىستىڭ وڭتۇستىك-باتىسىندا تۇمان تۇسەدى. 

كۇندىز قىزىلوردا وبلىسىنىڭ وڭتۇستىگىندە كوكتايعاق، وبلىس ورتالىعىندا تۇمان بولادى. اقتوبە وبلىسىنىڭ وڭتۇستىگىندە، شىعىسىندا، پاۆلودار وبلىسىنىڭ وڭتۇستىگىندە، قاراعاندى وبلىسىنىڭ سولتۇستىگىندە، وڭتۇستىگىندە تۇمان كۇتىلەدى.

سوڭعى جاڭالىقتار

ۇقساس جاڭالىقتار