ەلوردا • 17 قاڭتار، 2022

نۇر-سۇلتاندا ءبىر تاۋلىكتە 177 ادام توتەنشە جاعداي رەجيمىن بۇزعان

51 رەت كورسەتىلدى

بۇل تۋرالى نۇر-سۇلتان قالاسى كومەنداتۋراسىنىڭ ءباسپاسوز قىزمەتىندەگىلەر مالىمدەدى، دەپ حابارلايدى Egemen.kz.

«ەلورداداعى جاعداي تۇراقتى. تۇنگى ساعات 23.00-دەن باستاپ تاڭعى 07.00-گە دەيىن كومەندانتتىق ساعات جالعاسۋدا. قالا پەريمەترى بويىنشا 6 بلوكبەكەت تاۋلىك بويى جۇمىس ىستەۋدە. ءبىر تاۋلىكتىڭ ىشىندە قالادا 9 قىلمىس تىركەلدى. 74 جول-كولىك وقيعاسى ورىن الىپ، ەكى ادام جاراقات الدى. 102 ارناسىنا 1 732 استام قوڭىراۋ تۇسكەن. ولاردىڭ كوبى - انىقتامالىق سيپاتتاعى حابارلامالار. قالا تۇرعىندارىن اۋا رايىنا بايلانىستى تاس جولدىڭ جاعدايى، بلوكبەكەتتەردىڭ جۇمىسى، سونداي-اق، قۇقىق بۇزۋشىلىق تۋرالى ماسەلەلەر قىزىقتىرۋدا»، دەپ جازىلعان كومەنداتۋرا تاراتقان حابارلامادا.

ۆەدومستۆو مالىمەتىنشە، ەلوردادا ءبىر كۇندە 177 ادام توتەنشە جاعداي رەجيمىن بۇزعان. ولارعا قاتىستى قر اقبتك-ءنىڭ 476-بابى بويىنشا اكىمشىلىك ءىس قوزعالدى. پروتسەسسۋالدىق شەشىمدى سوت قابىلدايدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار