فۋتبول • 17 قاڭتار، 2022

«ليوننىڭ» 72 جاسار ديكتاتورى قىزمەتىنەن كەتپەيتىنىن مالىمدەدى

128 رەت كورسەتىلدى

«ليون» فۋتبول كلۋبىنىڭ پرەزيدەنتى جان-ميشەل ولاس ءوزى باسقاراتىن كوماندا ەۋرو كۋبوكتاردىڭ بىرىندە توپ جارمايىنشا قىزمەتىنەن كەتپەيتىنىن مالىمدەدى، دەپ حابارلايدى Egemen.kz.

«كوماندانىڭ قۇرىلىمدىق قىزمەتىندە كوڭىلگە كىربىڭ تۇسىرەتىن جاعدايلار ورىن العانى راس. ءبىزدىڭ تاڭداۋىمىز دا ويدان شىققان جوق. جۋنينونىڭ كلۋبتىڭ سپورتتىق ديرەكتورى قىزمەتىنەن كەتكەنى جۇرەككە سالماق ءتۇسىردى. ايتكەنمەن، جوعارى ناتيجەلەرگە قول جەتكىزۋدى كوزدەگەن ءبىزدىڭ ۇزاقمەرزىمدى جوبامىز جالعاسىن تابا بەرەدى. «ليون» فۋتبول كلۋبى كارى قۇرلىقتىڭ كلۋبتىق دەڭگەيىندەگى قاندايدا ءبىر دوداسىندا توپ جارمايىنشا مەن قىزمەتتەن كەتپەيمىن. سول باعىتتا بار كۇش-جىگەرىمىزدى جۇمسايتىن بولامىز»، دەدى ول Get French Football News-كە بەرگەن سۇحباتىندا.  

ەستەرىڭىزگە سالا كەتەيىك، وسى ماۋسىمدا ەۋروپا ليگاسىنا قاتىسىپ جاتقان فرانتسۋز كلۋبى توپتىق كەزەڭدى ءبىرىنشى ورىنمەن اياقتاعان بولاتىن. ايتكەنمەن، «ليوننىڭ» جۋىق ارادا جوعارى جەتىستىككە جەتە قويۋى ەكىتالاي. سوعان قاراعاندا ولياس ءالى بىرنەشە جىل كلۋبتىڭ پرەزيدەنتى قىزمەتىن اتقاراتىن سەكىلدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار