قوعام • 17 قاڭتار، 2022

جاڭا جىلدان باستاپ جالاقى ءوستى

150 رەت كورسەتىلدى

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنە سۇيەنسەك، ەلىمىزدە الەۋمەتتىك سالا قىزمەتكەرلەرىنىڭ جالاقىسىن كەزەڭ-كەزەڭىمەن ارتتىرۋ جالعاسۋدا. ناقتىراق ايتساق، 2022 جىلعى 1 قاڭتاردان باستاپ پەداگوگتەر مەن الەۋمەتتىك قامسىزداندىرۋ سالاسىنداعى قىزمەتكەرلەردىڭ جالاقىسى 25%-عا، مەديتسينا قىزمەتكەرلەرىنىڭ جالاقىسى ورتا ەسەپپەن 20-30%-عا ءوستى.

مەملەكەت باسشىسىنىڭ 2019 جىلعى 2 قىركۇيەكتەگى «Cىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا ايتىلعان تاپسىرمانى ورىنداۋ ءۇشىن 2020 جىلدان باستاپ شامامەن 600 مىڭ پەداگوگتىڭ جالاقىسىن كەزەڭ-كەزەڭىمەن ارتتىرۋ، ال 2021 جىلدان باستاپ مەملەكەتتىك مەكەمەلەر مەن كوممۋنالدىق كاسىپورىنداردا جۇمىس ىستەيتىن 247 مىڭ مەديتسينا قىزمەتكەرىنىڭ جالاقىسىن كەزەڭ-كەزەڭىمەن ارتتىرۋ باس­تالدى. 2023 جىلعا قاراي ولاردىڭ جالاقىسى 2 ەسە وسەدى.

2022 جىلعى 1 قاڭتاردان باستاپ پەداگوگتەردىڭ جالا­قىسى 25%-عا، مەديتسينا قىزمەت­كەرلەرىنىڭ جالاقىسى ورتا ەسەپپەن 20-30%-عا ءوستى.

«سونداي-اق، 2022 جىلعى 1 قاڭ­تاردان باستاپ الەۋمەتتىك قامسىزداندىرۋ سالاسىنداعى 21 مىڭ جۇمىسكەردىڭ لاۋازىمدىق ايلىق اقىلارى 25%-عا ارتتىرىلدى. جالاقىنىڭ ءوسۋى ءوز قىزمەتىن ستاتسيونارلىق جانە جارتىلاي ستاتسيونارلىق ۇلگىدەگى مەديتسينالىق-الەۋمەتتىك مەكەمەلەردە، ۇيدە قىزمەت كورسەتۋ ۇيىمدارىندا، ۋاقىتشا بولۋ ۇيىمدارىندا جانە جۇمىسپەن قامتۋ ورتالىقتارىندا جۇزەگە اسىراتىن باسشىلىق قۇرام مەن نەگىزگى پەرسونالعا (الەۋمەتتىك قىزمەتكەرلەر، پەداگوگتەر، مەديتسينا قىزمەتكەرلەرى جانە ت.ب.) قاتىستى بولدى»، دەلىنگەن مينيسترلىك تاراتقان اقپاراتتا.

ەستەرىڭىزگە سالا كەتەيىك، 2021 جىلدىڭ 1 قاڭتارىنان باستاپ الەۋمەتتىك قىزمەتكەرلەردىڭ جالاقىسى 50%-عا ءوستى. سونداي-اق 2021 جىلى اكىمشىلىك جانە قوسالقى پەرسونالدىڭ، ستا­تسي­و­نار­لىق جانە جارتىلاي ستاتسيو­نارلىق ۇلگىدەگى ءمام-دە، ۇيدە قىزمەت كورسەتۋ جانە ۋاقىتشا بولۋ ۇيىمدارىندا جۇمىس ىستەيتىن جۇمىسشىلاردىڭ جالاقىسى قولدانىستاعى ق­و­سىمشا اقىنىڭ مولشەرىن لاۋا­زىم­دىق جالاقىدان 30%-دان 40%-عا وزگەرتۋ ارقىلى ارتتىرىلدى.

مينيسترلىك مالىمدەگەندەي، بيىلعى 1 قاڭتاردان باستاپ ازاماتتىق قىزمەتشىلەردىڭ جەكەلەگەن ساناتتارىنىڭ جالا­قىسىن كەزەڭ-كەزەڭىمەن ارتتىرۋ باستالعان. ناتيجەسىندە، 4 جىل ىشىندە ولاردىڭ جالاقىسى 2 ەسە ارتادى.

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار