تاريح • 14 قاڭتار، 2022

عاسىرلار قويناۋىنان شەرتىلگەن سىر

476 رەت كورسەتىلدى

مۇنايلى وڭىردەگى ەلدى مە­كەن­دەردىڭ شەجىرەلى تا­ريحى تىم ارىدە جاتىر. كەيبىرىنىڭ ىرگەسى XVIII عاسىردا قالانعان. عا­سىرلار قويناۋىنان سىر شەرتەر اۋىلداردىڭ اراسىندا جويىلىپ كەتكەنى دە بار. وسىنداي تاريحي دەرەكتەر «XVIII-XX عاسىرلارداعى اتىراۋ وڭى­رىندەگى ەلدى مەكەندەر» اتتى ولكەتانۋ جيناعىنا توپتاستىرىلعان.

جارىق كورگەن كىتاپتىڭ اۆتورى – وبلىستىق تاريحي-مادەني مۇرانى زەرتتەۋ ورتالىعىنىڭ ديرەكتورى مۇحامبەتقالي كيپيەۆ. جاڭا كىتاپقا 40 ەلدى مەكەن تۋرالى قىزىقتى دەرەكتەر ەنگىزىلىپ وتىر.

– قازىر كەيبىر ەلدى مەكەندەر جويىلىپ كەتكەن. سول سەبەپتەن، سونداي اۋىلداردىڭ تاريحىن زەردەلەۋ ءۇشىن زەرتتەۋ جۇمىسىن جۇرگىزدىك. رەسەي فەدەراتسياسىنداعى ورىنبور، استراحان، سونداي-اق الماتى قالاسىنداعى مۇراعاتتاردان قىزىقتى ماتەريالدار تاپتىق. كەيبىر كەنتتەردىڭ ورنالاسقان ورنىنا باردىق. سودان كەيىن ەلدى مەكەندەردىڭ پايدا بولۋ كەزەڭى مەن گەوگرافيالىق ورنالاسۋىنا قاراي ءۇش بولىمگە بولدىك. العاشقى بولىمدە جايىق پەن جەم وزەندەرىنىڭ بويىندا سالىنعان ەلدى مەكەندەر قامتىلسا، ەكىنشىسىندە كاسپي تەڭىزىنىڭ جاعالاۋىنداعى اۋىلدار تۋرالى جازىلدى. ال ءۇشىنشى بولىمدە حح عاسىردىڭ 20-جىلدارىنا دەيىن بوي كوتەرگەن ساۋدا جانە ءوندىرىس ورتالىقتارى تۋرالى زەرتتەۋلەر بار. بۇل كىتاپتى دايىنداۋ كەزىندە وڭىردەگى ەلدى مەكەندەر جونىندە بۇرىن جارىق كورمەگەن كارتالار، سىز­بالار مەن فوتوسۋرەتتەردى پايدا­لاندىق، – دەيدى م.كيپيەۆ.

 

اتىراۋ وبلىسى

 

سوڭعى جاڭالىقتار

ۇقساس جاڭالىقتار