دەپارتامەنت وسى وتىنىشتەردىڭ نەگىزىندە, «تابيعي مونوپوليالار تۋرالى» قازاقستان رەسپۋبليكاسى زاڭىنىڭ نورمالارىن ساقتاۋ مانىنە جوسپاردان تىس تەكسەرۋ جۇرگىزدى.
جوسپاردان تىس تەكسەرۋ ناتيجەلەرى بويىنشا «قازترانسگاز ايماق» اق-نىڭ شىمكەنت وندىرىستىك فيليالى بەرىلگەن تەحنيكالىق شارتتارعا سايكەس قۇرىلىس-مونتاجداۋ جۇمىستارىنىڭ اياقتالعانى تۋرالى اقپارات الىپ, رەتتەلىپ كورسەتىلەتىن قىزمەتكە قوسپاعانى تۋرالى انىقتالدى, بۇل ءوز كەزەگىندە «تابيعي مونوپوليالار تۋرالى» قازاقستان رەسپۋبليكاسى زاڭىنىڭ 24 جانە 26-باپتارىن ورەسكەل بۇزۋ بولىپ تابىلادى.
وسىعان بايلانىستى, دەپارتامەنت «قازترانسگاز ايماق» اق-نىڭ ءشوف-نا قاتىستى قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنىڭ 164-بابىنىڭ 4-بولىگى بويىنشا 4 ء(تورت) اكىمشىلىك حاتتاما تولتىردى جانە قازاقستان رەسپۋبليكاسى زاڭناماسىنىڭ نورمالارىن بۇزۋشىلىقتاردى دەرەۋ جويۋ تۋرالى نۇسقاما ەنگىزدى.
