پرەزيدەنت • 13 قاڭتار، 2022

توقاەۆ ۇقشۇ-عا مۇشە مەملەكەتتەردىڭ باسشىلارىمەن سويلەستى

132 رەت كورسەتىلدى

مەملەكەت باسشىسى قاسىم-جومارت توقاەۆ رەسەي پرەزيدەنتى ۆلاديمير پۋتينمەن، ارمەنيانىڭ پرەمەر-ءمينيسترى نيكول پاشينيانمەن، بەلارۋس پرەزيدەنتى الەكساندر لۋكاشەنكومەن، قىرعىزستان پرەزيدەنتى سادىر جاپاروۆپەن جانە تاجىكستان پرەزيدەنتى ەمومالي راحمونمەن تەلەفون ارقىلى سويلەستى، دەپ حابارلايدى Egemen.kz.

قاسىم-جومارت توقاەۆ ۇجىمدىق قاۋىپسىزدىك تۋرالى شارت ۇيىمىنداعى ارىپتەستەرىنە بۇگىن، 13 قاڭتاردا بىتىمگەرلىك كۇشتەردىڭ ەلىمىزدەن شىعارىلا باستاعانى جونىندە مالىمەت بەرىپ، قازاقستانعا جاسالعان تەررورلىق شابۋىل كەزىندە قولداۋ كورسەتكەندەرى ءۇشىن العىس ءبىلدىردى.

مەملەكەت باسشىسى ۇجىمدىق بىتىمگەرلىك كۇشتەرىنىڭ قازاقستانعا قىسقا مەرزىمگە كەلۋى ۇقشۇ-نىڭ بەدەلدى حالىقارالىق ۇيىم رەتىندە قاجەتتى ءارى ءتيىمدى ەكەنىن كورسەتتى دەپ اتاپ ءوتتى.



سوڭعى جاڭالىقتار

ۇقساس جاڭالىقتار