سوڭعى كۇندەردە قالالىق جانە مودۋلدىك اۋرۋحانالار, جەدەل جاردەم ستانسالارى, پەرزەنتحانالار, ءورت ءسوندىرۋ قىزمەتى, بالالار ۇيلەرى, سونداي-اق ىشكى ىستەر مينيسترلىگى مەن ۇلتتىق قاۋىپسىزدىك كوميتەتىنىڭ گوسپيتالدارى, الماتى قالاسىنىڭ اۋداندىق ىشكى ىستەر باسقارماسىنا ىستىق تاماقتىڭ 5,9 مىڭ پورتسياسى جەتكىزىلگەن. 10 قاڭتاردا ەرىكتىلەر سوڭعى 270 پورتسيانى ۇلەستىردى.
قوعامدىق تاماقتانۋ قاۋىمداستىعى توراعاسىنىڭ كەڭەسشىسى ۆەرونيكا نۇرپەيىسوۆانىڭ ايتۋىنشا, الماتى وڭىرلىك كاسىپكەرلەر كەڭەسىنىڭ مۇشەلەرى ەرىكتىلەر قاتارىنا قوسىلىپ, نان, سۋ تاسىدى. قاۋىپتى بولا تۇرا اۋرۋحانالار, گوسپيتالدار, بالالار ۇيلەرىندەگى بەكەتتەرگە ىستىق تاماق جەتكىزدى. سونىمەن قاتار ول SMALL سۋپەرماركەتى قىزمەتكەرلەرىنە جانە ادامدارعا جاردەمدەسۋ ءۇشىن ازىق-ت ۇلىكتى ارزان باعامەن ساتىپ الۋعا كومەكتەسكەن «بارىس» بازارىنا العىس ءبىلدىردى.
الماتى قالاسى وڭىرلىك كاسىپكەرلەر كەڭەسى مۇشەلەرىنىڭ باستاماسىمەن 7 قاڭتاردا 1000 پورتسيانى «مانار» ءدامحاناسىنىڭ قىزمەتكەرلەرى, 8-9 قاڭتاردا 4940 پورتسيانى Lanzhou تەز تاماقتانۋ مەيرامحانالار جەلىسىنىڭ اسپازدارى دايىنداعان.
الماتى
