«بيۋدجەتارالىق قاتىناستاردى ودان ءارى رەفورمالاۋ بويىنشا مينيسترلىك كەلەسى ۇسىنىستاردى پىسىقتاۋدا. ءبىرىنشى, شوب-تان كورپوراتيۆتىك تابىس سالىعى تۇسىمدەرىن بەرۋ تەتىگىنە ۇقساس, 2023 جىلدان باستاپ سالىقتىڭ جەكەلەگەن تۇرلەرىن جەرگىلىكتى دەڭگەيگە بەرۋ جوسپارلانىپ وتىر. ەكىنشى, ورتالىق پەن ءوڭىر اراسىنداعى قاراما-قارسى قارجى اعىندارىن ازايتۋ ۇسىنىلادى», دەدى مينيستر.
ونىڭ اتاپ وتۋىنشە, ۇسىنىلعان ءىس-شارالاردى جۇزەگە اسىرۋ ءۇشىن بيۋدجەت زاڭناماسىنا تۇزەتۋلەر پاكەتى دايىندالاتىن بولادى.
«قازىرگى ۋاقىتتا اتالعان تاسىلدەر ورتالىق جانە جەرگىلىكتى اتقارۋشى مەملەكەتتىك ورگاندارمەن, سونداي-اق ۇيىمدارمەن پىسىقتالۋدا. مەملەكەت باسشىسىنىڭ باسقا تاپسىرمالارى بويىنشا ۇسىنىستار مۇقيات پىسىقتالىپ, جاقىن ۋاقىتتا قوسىمشا ۇسىنىلادى», دەدى الىبەك قۋانتىروۆ.
