سوڭعى جىلدارى ەلىمىزدىڭ ورتا ءبىلىم بەرۋ سالاسىندا ەلەۋلى رەفورمالار قولعا الىنىپ, بۇل جۇيەلى تۇردە ىسكە اسۋدا. ولاردىڭ ىشىندە باعالاۋ جۇيەسى, ءبىلىم بەرۋ باعدارلاماسى, پەداگوگيكالىق تاسىلدەر جاڭارتىلدى. سونىمەن قاتار ينكليۋزيۆتى ءبىلىم بەرۋدىڭ جاڭا ساياساتى قولدانىسقا ەنگىزىلدى. ال «پەداگوگ مارتەبەسى تۋرالى» زاڭ مۇعالىم ماماندىعىنىڭ قوعامداعى بەدەلىنىڭ ارتۋىنا جانە ولاردىڭ ەڭبەكاقىسىنىڭ وسۋىنە ەداۋىر ىقپال ەتكەنىن بىلەمىز.
وسى ۇردىستەردىڭ جالعاسى رەتىندە مەملەكەت باسشىسى مۇعالىمدەر جەتىسپەيتىن وڭىرلەر ءۇشىن ءتيىستى قولداۋ شارالارى كەشەنى مەن ايماقتارعا ۇزدىك مۇعالىمدەردى تارتۋ بويىنشا ارنايى باعدارلاما ازىرلەۋدى تاپسىردى. اتالعان باعدارلاما پەداگوگيكالىق ءبىلىم بەرۋگە جاڭا بەتبۇرىس جاسايتىنىنا كامىل سەنىمدىمىز. ادامي كاپيتالدىڭ ساپاسىن ارتتىرۋ – قوعام دامۋىن قامتاماسىز ەتۋدىڭ باستى تەتىگى. ال قوعامنىڭ زياتكەرلىك الەۋەتىن ىلگەرىلەتۋدى جۇزەگە اسىرۋ پەداگوگتەرگە تىكەلەي بايلانىستى.
وتاندىق پەداگوگيكالىق جوعارى وقۋ ورىندارى بىلىكتىلىگى جوعارى مۇعالىمدەردى دايارلاۋدى ودان ارمەن جاڭا دەڭگەيگە كوتەرە ءتۇسۋ قاجەت دەپ ويلايمىن. بۇل تۇرعىدا بولاشاق مامانداردىڭ ساپاسىنا جەتە ءمان بەرگەن دۇرىس. قازاق ۇلتتىق قىزدار پەداگوگيكالىق ۋنيۆەرسيتەتى – ساپالى پەداگوگيكالىق ءبىلىم بەرۋدى باستى ماقسات ەتىپ كەلە جاتقان وقۋ ورنى. ۋنيۆەرسيتەت ۇجىمى مەملەكەت باسشىسى اتاپ وتكەن مىندەتتەردى سارالاپ, تىڭ ويلارى مەن يدەيالارىن جۇزەگە اسىرۋعا نيەتتى. بۇل تاراپتا ارنايى كەشەندى جوسپارلار دا قابىلدانادى. بۇل شارالار پرەزيدەنت ۇسىنعان باعدارلامانىڭ ءساتتى جۇزەگە اسۋىنا, ەلىمىزدەگى مۇعالىم تاپشىلىعىن جويۋعا وزىندىك ىقپالىن تيگىزەتىنى ءسوزسىز.
گۇلميرا قاناي,
قازاق ۇلتتىق قىزدار پەداگوگيكالىق ۋنيۆەرسيتەتىنىڭ رەكتورى
الماتى
