فوتو: inbusiness.kz
«مەن جولداۋدا ارنايى ەكونوميكالىق ايماقتاردىڭ الەۋەتىن تولىق پايدالانۋ قاجەتتىگى تۋرالى ايتتىم. قىتايدا جانە ۆەتنامدا مۇنداي ايماقتار ەكونوميكانىڭ قوزعاۋشى كۇشى سانالادى. ال ءبىزدىڭ ەلدەگى ارنايى ەكونوميكالىق ايماقتاردىڭ تيىمدىلىگى ءالى كۇنگە دەيىن تومەن. بۇل مەكەمەلەر ەكونوميكانىڭ قۇرىلىمىن وزگەرتۋگە قاۋقارسىز.
شيرەك عاسىرعا جۋىق ۋاقىتتان بەرى ارنايى ەكونوميكالىق ايماقتاردىڭ ىشكى جالپى ونىمگە قوسقان ۇلەسى 1 پايىزدان ءسال عانا اسادى. ونىڭ 0,3 پايىزى – ەكسپورتقا, 0,9 پايىزى – شەتەل ينۆەستيتسياسىنا تيەسىلى. ارنايى ەكونوميكالىق ايماقتاردىڭ قازىرگى جۇمىس ءتاسىلى مۇلدە جارامسىز دەۋگە بولادى. ولار ينۆەستيتسيا تارتاتىن الاڭ بولۋعا ءتيىس. جاڭا نورمالار, قۇرالدار, سەرۆيستىك شەشىمدەر سول جەردە سىناقتان ءوتىپ, ودان ءارى كەڭ تارالۋى قاجەت», دەدى پرەزيدەنت.
مەملەكەت باسشىسى ءوز سوزىندە ۇكىمەتكە ءۇش ايدىڭ ىشىندە ارنايى ەكونوميكالىق ايماقتاردى دامىتۋدىڭ جاڭا ۇلگىسىن بەكىتۋدى تاپسىردى.
ۇلتتىق ماماندىقتار ترانسفورماتسياسى ورتالىعى قۇرىلادى
«ارنايى ەكونوميكالىق ايماقتاردىڭ قازىرگى ينفراقۇرىلىمىن دامىتۋعا ءۇش جىل ىشىندە ءبىر تريلليون تەڭگە زايم قاراجاتىن جۇمساۋ ۇسىنىلىپ وتىر. الدىمەن ولاردىڭ دامۋ مودەلىن قايتا قۇرۋ كەرەك دەپ سانايمىن. ونسىز مۇنداي اۋقىمدى ينۆەستيتسيا جۇيەدەگى قوردالانعان ماسەلەلەردى شەشە المايدى. تۇپتەپ كەلگەندە, ەگەر ناقتى ناتيجەگە جەتەمىن دەگەن نيەت بولسا, بۇل ماسەلەنى تۇركىستان وبلىسىنىڭ بۇرىنعى اكىمى دارحان ساتىبالدى سياقتى قولدا بار قارجىمەن دە شەشۋگە بولادى. استانادا دا جاقسى تاجىريبە بار. ۇكىمەت ءۇش ايدىڭ ىشىندە ارنايى ەكونوميكالىق ايماقتاردى دامىتۋدىڭ جاڭا ۇلگىسىن بەكىتۋى كەرەك», دەدى قاسىم-جومارت توقاەۆ.
ۇلتتىق انتيفرود-ورتالىعى 90 مىڭ ازاماتتى الاياقتاردىڭ ارباۋىنان ساقتاپ قالدى
