فوتو: ۇكىمەتتىڭ ءباسپاسوز قىزمەتى
«بۇل – Smart City قاعيداتىنا سايكەس بارلىق سالاعا وزىق يننوۆاتسيالار ەنگىزۋ, جاساندى ينتەللەكتى مەن تسيفرلىق تەحنولوگيانى قولدانۋ دەگەن ءسوز. وندا كاپيتال تارتۋ ءۇشىن تەڭدەسى جوق جاعداي جاسالىپ, جاڭا, باتىل شەشىمدەر قابىلداۋعا مۇمكىندىك بەرەتىن ۇزدىك رەتتەۋ رەجيمىن قالىپتاستىرۋ قاجەت», دەدى مەملەكەت باسشىسى.
مەملەكەت باسشىسى وسى ماڭىزدى ماسەلە بويىنشا ءوزىنىڭ تاپسىرماسىمەن كونستيتۋتسيالىق زاڭ ازىرلەنىپ, پارلامەنتتىڭ قاراۋىنا ۇسىنىلعانىن ەسكە سالدى.
«ماعان ۇلتتىق بانك پەن قارجىلىق مونيتورينگ اگەنتتىگى بۇعان قارسىلىق تانىتقانى تۋرالى باياندالدى. بۇل كونستيتۋتسيالىق زاڭ قابىلداۋعا مۇمكىندىك بەرمەيدى. الايدا مەنىڭ توراعالىعىممەن وتكەن جيىندا مۇنداي پىكىر ايتىلماعان ەدى. ەگەر سىزدەردە قاندايدا ءبىر قاۋىپ نە قارسىلىق بولسا, ماعان قاعاز جۇزىندە ۇسىنىس بەرىڭىزدەر. ءتيىستى تاپسىرما بەرەمىن. بىراق, مەنىڭ ويىمشا, بۇل شىندىققا جاناسپايتىن بوس اڭگىمە سەكىلدى. مەن جاۋاپكەرشىلىك الۋدان قاشپايمىن, ال سىزدەر كونفەرەنتسيالاردا ءدىلمارسىپ, ءسوز سويلەپ جۇرە بەرىڭىزدەر. قازىر قورقىنىشتان قالتىراپ وتىراتىن ەمەس, ناقتى جۇمىس ىستەيتىن زامان. بۇل – ەلىمىز ءۇشىن بىرەگەي جوبا. سوندىقتان ۇكىمەت ونىڭ باسى ارتىق بيۋروكراتياسىز, كىدىرىسسىز ءارى ساپالى دامۋىن قامتاماسىز ەتۋى كەرەك», دەدى پرەزيدەنت.
بۇعان دەيىن مەملەكەت باسشىسى ۇكىمەتتىڭ كەڭەيتىلگەن وتىرىسىندا جاڭا كونستيتۋتسيا جوباسىنا قاتىستى تۇپكىلىكتى شەشىم جالپىۇلتتىق رەفەرەندۋمدا قابىلداناتىنىن ايتقان ەدى.
پرەزيدەنت: قولدانىستاعى كونستيتۋتسيانىڭ تاريحي ماڭىزىن جوققا شىعارۋعا بولمايدى
