فوتو: اقوردا
«مەملەكەتتىڭ ءتيىمسىز شىعىندارىن قىسقارتۋ ءۇشىن قولدانىستاعى بيۋدجەت باعدارلامالارىن باستان-اياق قايتا قاراۋ قاجەت. بۇل – وتە ماڭىزدى مىندەت. مۇنى ورىنداۋدى سوزبالاڭعا سالماڭىزدار. بۇل ىستە قارجى جانە ەكونوميكا مينيسترلىكتەرى قاتاڭدىق پەن تاباندىلىق تانىتۋى كەرەك. بيۋدجەت قارجىسىن يگەرۋدىڭ قازىرگى كريتەريىنەن باس تارتىپ, مەملەكەتتىك ينۆەستيتسيانىڭ تيىمدىلىگىن باسقارۋدى كۇشەيتكەنىمىز دۇرىس. ۇكىمەت پەن اكىمدەر بيۋدجەتتىڭ يگەرىلمەي قالۋىنان قاۋىپتەنىپ, جوبالارعا قارجى ءبولۋ تاجىريبەسىن دوعاراتىن كەز كەلدى. ەڭ سوراقىسى, مۇنداي شەشىمدەر سۋبەكتيۆتى تۇردە قابىلدانىپ, قارجى تاڭداۋلىلارعا عانا بەرىلەدى. توقەتەرى, اركىم ءوز بىلگەنىن جاساعاندى قويۋ كەرەك. ەندى مۇندايدى مەملەكەت مۇددەسىنە قاساقانا قارسى ارەكەت ەتۋ دەپ قاراستىرامىز. بيۋدجەت قارجىسى ازاماتتارىمىزعا ناقتى پايدا اكەلەتىن جانە ۇلتتىق ەكونوميكانىڭ دامۋىنا سەپتىگىن تيگىزەتىن جوبالارعا بەرىلۋگە ءتيىس», دەدى مەملەكەت باسشىسى.
پرەزيدەنت: اتا زاڭىمىزعا قاتىستى تۇپكىلىكتى شەشىم جالپىۇلتتىق رەفەرەندۋمدا قابىلدانادى
سونداي-اق پرەزيدەنت ۇكىمەتكە بيىل 1 مامىرعا دەيىن بيۋدجەت باعدارلامالارىنا رەۆيزيا جۇرگىزىپ, مەملەكەت ەسەبىنەن قارجىلاندىرىلاتىن جوبالاردى ىرىكتەۋ مەحانيزمىن جەتىلدىرۋدى تاپسىردى.
«بۇل كۆازيمەملەكەتتىك سەكتورعا دا قاتىستى. مەن جولداۋدا بۇل ماسەلە تۋرالى ايتتىم: بيۋدجەتتىك شىعىنداردىڭ اشىقتىعىن قامتاماسىز ەتۋ ءۇشىن, ياعني قارجىنىڭ قايدا, قالاي جانە نە ءۇشىن جۇمسالىپ جاتقانى ايقىن بولۋى ءۇشىن تسيفرلىق تەڭگەنى بەلسەندى پايدالانۋ قاجەت. قازىرگى تاڭدا بۇل ءتاسىل مەملەكەتتىك ساتىپ الۋ جۇيەسىندە, سۋبسيديالاۋ كەزىندە, سونداي-اق ۇلتتىق قوردان ءىرى جوبالارعا قاراجات ءبولۋ بارىسىندا ءتيىمدى قولدانىلىپ ءجۇر. بۇل قۇرالدى باسقا دا سالالارعا ەنگىزىپ, اياسىن كەڭەيتۋ كەرەك», دەدى قاسىم-جومارت توقاەۆ.
ء«ارتۇرلى كوزقاراس – ءبىرتۇتاس ۇلت»: پرەزيدەنت ەلىمىز ءۇشىن ماڭىزدى قاعيداتتى اتادى
