پرەزيدەنتتىڭ ايتۋىنشا, بيىل كۇشىنە ەنگەن سالىق كودەكسى ەكونوميكاداعى اشىقتىق پەن ءتارتىپتى كۇشەيتۋگە سەرپىن بەرىپ وتىر. العاشقى ناتيجەلەر دە كورىنە باستاعان.
«ەكونوميكا مينيسترلىگىنىڭ مالىمەتىنە سايكەس, ءوزىن-ءوزى جۇمىسپەن قامتىعاندارعا ارنالعان جاڭا سالىق رەجيمى ىسكە قوسىلعالى بەرى 180 مىڭنان استام جاڭا سالىق تولەۋشى زاڭ اياسىندا ارەكەت ەتە باستادى», دەدى مەملەكەت باسشىسى.
پرەزيدەنت: كونستيتۋتسيالىق كوميسسيانىڭ جۇمىسى بارىنشا اشىق جۇرگىزىلدى
ۇكىمەتتىڭ باعالاۋىنشا, سالىق رەفورماسىنىڭ ناتيجەسىندە بيىل بيۋدجەتكە قوسىمشا 4,4 ترلن تەڭگە ءتۇسۋى ءتيىس. الايدا پرەزيدەنت بۇل كورسەتكىشتەرگە قالاي جەتۋ كەرەگىنە ايرىقشا توقتالدى.
«بەلگىلەنگەن كورسەتكىشتەرگە شامادان تىس سالىق سالۋ, بيزنەستى زاڭسىز نەمەسە نەگىزسىز قىسپاققا الۋ ەسەبىنەن جەتۋگە بولمايدى. بيۋدجەتتى ءتيىمدى سالىقتىق اكىمشىلەندىرۋ ارقىلى تولىقتىرۋعا بولادى. سوندىقتان سالىق جۇيەسىن جاپپاي تسيفرلاندىرۋعا شۇعىل كىرىسكەن ءجون», دەدى قاسىم-جومارت توقاەۆ.
مەملەكەت باسشىسى سالىق سالاسىنداعى كوزقاراستى تۇبەگەيلى وزگەرتۋ قاجەتتىگىن دە اشىق ايتتى. ونىڭ پىكىرىنشە, جازالاۋعا نەگىزدەلگەن ەسكى ۇستانىمنان ارىلاتىن ۋاقىت جەتكەن.
«جازالاۋشى مەنتاليتەتتەن ارىلاتىن كەز كەلدى. سالىق ورگاندارى مەن سالىق تولەۋشىلەر اراسىندا سەرىكتەستىك جانە ءوزارا سەنىم قاعيداتى ورنىعۋعا ءتيىس. مەملەكەت پەن بيزنەستىڭ ءتيىمدى ىقپالداستىعىن جولعا قويۋ كەرەك», دەدى پرەزيدەنت.
وسى ماسەلەگە قاتىستى مەملەكەت باسشىسى بۇعان دەيىن «Turkistan» گازەتىنە بەرگەن سۇحباتىندا جانە قىزىلوردادا وتكەن ۇلتتىق قۇرىلتاي وتىرىسىندا ناقتى وي ايتقانىن ەسكە سالدى. الايدا بۇل ۇستانىمداردى بارلىعى بىردەي تەرەڭ تۇسىنبەگەنىن دە جاسىرمادى.
توقاەۆ: ءوز باسىم مەرزىمدى ءباسپاسوزدى جاس كەزىمنەن ۇزبەي وقيتىنىم راس
«ينتەرنەت ۇزاق ماتىندەردى وقۋدان الىستاتتى. بىراق بۇل مەملەكەتتىك قىزمەتكەرلەرگە جاراسپايتىن ادەت. وقۋ كەرەك. ايتپەسە, زەينەت جاسىنا جەتكەن كەزدە, ويلانۋ قابىلەتىنەن ايىرىلىپ قالاسىزدار», دەدى قاسىم-جومارت توقاەۆ.
پرەزيدەنت سالىقتىق اكىمشىلەندىرۋدى تسيفرلاندىرۋعا قاتىستى ناقتى تاپسىرمالار بەردى. ونىڭ ايتۋىنشا, بانكتەر, اگرەگاتورلار مەن ماركەتپلەيستەر سالىقتىق باقىلاۋ جۇيەسىنە تولىق كىرىپ, سالىق اگەنتتەرى مىندەتىن اتقارۋعا ءتيىس. سونىمەن قاتار مەملەكەتتىك كىرىستەر كوميتەتى تولىق تسيفرلىق رەجيمدە جۇمىس ىستەيتىن «فيسكالدىق دەرەكتەر فابريكاسىنا» اينالۋى قاجەت.
«2027 جىلدىڭ سوڭىنا دەيىن سالىق جانە كەدەن جۇيەسىن باسقارۋدىڭ تسيفرلىق ءتاسىلىن ەنگىزۋ قاجەت. بۇل – ستراتەگيالىق ماڭىزى بار مىندەت», دەدى مەملەكەت باسشىسى.
توقاەۆ: ادۆوكاتتاردىڭ ۇسىنىسىمەن اتا زاڭ جوباسىنا ادۆوكاتۋرا تۋرالى جەكە باپ قوسىلدى
سونىمەن بىرگە ۇلتتىق تاۋارلار كاتالوگى مەن وتاندىق تاۋار وندىرۋشىلەرى رەەسترىن جەدەل ىسكە قوسۋ, تاۋارلاردى تسيفرلىق تاڭبالاۋ جۇيەسىن كەڭەيتۋ تاپسىرىلدى. پرەزيدەنت بۇل ۇدەرىس ءوندىرىس پەن بيزنەسكە زيان كەلتىرمەۋى كەرەگىن قاداپ ايتتى.
«مينيسترلىكتەر قابىلداعان جاڭا ەرەجەلەر مەن شەشىمدەر شەتەلدىك جانە وتاندىق كومپانيالاردىڭ قىزمەتىنە كەرى اسەر ەتپەۋگە ءتيىس. مۇنداي جاعداي ينۆەستيتسيالىق كليماتتى ناشارلاتادى. بۇل ماسەلەگە بايلانىستى ماعان كومپانيالاردان حاتتار كەلىپ جاتىر», دەدى قاسىم-جومارت توقاەۆ.
مەملەكەت باسشىسى سالىق رەفورماسى ەل ەكونوميكاسىن دامىتۋعا قىزمەت ەتۋى ءتيىس ەكەنىن تاعى ءبىر مارتە ناقتىلاپ, ۇكىمەتكە وسى باعىتتا بايىپتى ءارى جاۋاپتى جۇمىس جۇرگىزۋدى تاپسىردى.
