قازاقستانعا جاڭارۋ كەرەك. جۇرتتىڭ دا كۇتىپ وتىرعانى سول. پرەزيدەنت بارلىق سالا بويىنشا ارتىق-كەم تۇسىن ايتىپ, تۇيتكىلدى ماسەلەلەردى شەشۋدى تاپسىرىپ وتىر. جاڭا ۇكىمەتتىڭ مەملەكەت باسشىسىنىڭ تاپسىرماسىن قالاي جۇزەگە اسىراتىنىن ۋاقىت كورسەتەدى. قاسىم-جومارت توقاەۆ اشىعىن ايتتى, وليگارحيالىق توپتىڭ پايدا بولۋى ءادىل باسەكەلەستىكتىڭ جولىن كەسىپ وتىر, كولەڭكەلى ەكونوميكا قىمباتشىلىققا اكەلدى. وعان دالەل – اقتاۋ حالقىنىڭ سۇيىتىلعان گاز باعاسىنا قاتىستى تالابى. ناتيجەسىندە, باعانىڭ نەگىزسىز, قولدان جاسالعانى بەلگىلى بولدى. بەيبىت تالاپتىڭ ارتى جاپپاي تارتىپسىزدىككە الىپ كەلدى. بۇگىن ايتىلعان ەلدەگى ماسەلەلەر بۇعان دەيىن دە قوزعالىپ ءجۇر. بىراق سونى شەشۋشىلەردىڭ كۇش-جىگەرى بولماعان سەكىلدى. ەندى پرەزيدەنت ىسكە جەڭ تۇرە كىرىسىپ, جىگەرلى بولۋدى وزىنەن باستاپ وتىر. مەملەكەت باسشىسىنىڭ سوزدەن ىسكە كوشۋ كەرەكتىگىن باسا ايتقانى كوڭىلگە ءۇمىت ۇيالاتادى.
سونداي-اق قاسىم-جومارت توقاەۆ ءبىراز جايت پەن كەيبىر قۇزىرلى ورگانداردىڭ قىزمەتىن سىنادى. راسىندا, بىلاي الىپ قاراساق, بەيبىت شەرۋدىڭ ارتى جاپپاي تارتىپسىزدىككە اينالدى. لاڭكەستىك ارەكەتتىڭ بولعانىن پرەزيدەنتتىڭ ءوزى ايتتى, سوندا لاڭكەستىك ارەكەتكە جول بەرىپ, ۇلتتىق قاۋىپسىزدىك كوميتەتى, باسقا دا قۇزىرلى ورگاندار قايدا قاراپ وتىردى؟ ءتارتىپ ساقشىلارى سودىرلارمەن كۇرەستى, ولار قايدان كەلدى؟ شەكارا قىزمەتى قايدا قاراپ وتىر؟ سۇراق كوپ. ەندىگى ماقسات – وسىدان ساباق الىپ, ونىڭ قايتا بولۋىنا جول بەرمەۋ.
راسۋل جۇمالى,
ساياساتتانۋشى
