وعان بۇكىل ەل بولىپ بىرىگىپ, تويتارىس بەردىك. كونترتەرروريستىك وپەراتسيانىڭ نەگىزگى فازاسى اياقتالۋعا جاقىندادى, سوڭعى مالىمەتتەر بويىنشا ەلىمىزدىڭ بارلىق وڭىرىندە احۋال تۇراقتى. بۇل رەتتە مەملەكەت باسشىسى ۇقشۇ-نىڭ بىتىمگەرلىك كۇشتەرىنىڭ كومەگى تۋرالى ۇجىمدىق قاۋىپسىزدىك تۋرالى شارت ۇيىمىنىڭ كەزەكتەن تىس سەسسياسىندا سويلەگەن سوزىندە تولىقتاي ايتىپ كەتتى. ال ءماجىلىس وتىرىسىندا قاسىم-جومارت توقاەۆ ۇقشۇ بىتىمگەرلىك كۇشتەرىنىڭ نەگىزگى ميسسياسىنىڭ ءساتتى اياقتالعانىن مالىمدەپ, ەكى كۇننەن كەيىن ۇقشۇ-نىڭ بىرلەسكەن بىتىمگەرلىك كونتينگەنتىن قازاقستاننان كەزەڭ-كەزەڭىمەن شىعارۋ باستالاتىنىن اتاپ كورسەتتى.
سونداي-اق كەشە پرەزيدەنتتىڭ ۇسىنىسىمەن پرەمەر-مينيستر لاۋازىمىنا ءاليحان سمايىلوۆتىڭ كانديداتۋراسى ءماجىلىس دەپۋتاتتارىنىڭ ءبىراۋىزدان قولداۋىمەن بەكىتىلدى. پرەمەر-مينيستر كانديداتۋراسىن تاڭداۋدا مەملەكەتىمىزدىڭ الدىندا تۇرعان مەملەكەتتىك قارجى مەن ەكونوميكانى قايتا جاڭعىرتۋ بويىنشا اۋقىمدى مىندەتتەردى جۇزەگە اسىرۋ ماسەلەلەرى دە ۇلكەن ءرول اتقاردى.
جالپى, پرەزيدەنت ۇكىمەت باسشىسى مەن قۇرامى الدىندا قويعان ماڭىزدى مىندەتتەردى بىرنەشە بلوكقا بولۋگە بولادى. ەڭ الدىمەن, ەلىمىزدىڭ اسكەري, قۇقىق قورعاۋ جانە قارۋلى كۇشتەر سالاسىن رەفورمالاۋ ماسەلەسى. جانە ول وتە زاڭدى, ءارى سوڭعى جاعدايلار كورسەتكەندەي – ۋاقىت كەشىكتىرمەيتىن مىندەت. «ەلىمىزدىڭ قاۋىپسىزدىگىن نىعايتۋ جانە قاۋىپ-قاتەردىڭ الدىن الۋ ءۇشىن شۇعىل ءىس-شارالاردى جۇزەگە اسىرۋ قاجەت. مەملەكەتتىك شەكارانى نىعايتۋىمىز كەرەك», دەدى پرەزيدەنت. ول ءۇشىن اسكەري-كولىك اۆياتسياسى پاركىن تولىقتىرۋ ءىسىن, ىشكى ىستەردىڭ ارنايى وتريادتارىن نىعايتۋ, ارميانىڭ دايىندىعىن كۇشەيتۋ, ۇلتتىق ۇلاننىڭ ساندىق ءارى ساپالىق مازمۇنىن كەڭەيتۋ شارالارىن, ىشكى كوشى-قون سالاسىن, شەكارا قىزمەتىن قولعا الۋ كەرەك ەكەنى انىق. سونداي-اق مامانداردىڭ جانە ساراپشىلاردىڭ پىكىرىنشە, بۇل قۇرىلىمدار اراسىنداعى ءوزارا ءىس-ارەكەتتى, بىرىڭعاي ارەكەت الگوريتمدەرىن جولعا قويۋ ماسەلەسى دە وتە ماڭىزدى.
بۇل رەتتە ءدىني ەكسترەميزم, راديكالدى توپتاردىڭ پروبلەماسى دا وزەكتەنە تۇسۋدە, بۇل جاعدايعا ارنايى كوڭىل ءبولىپ, تالداۋ مەن ناقتى شەشىمدەر تەتىكتەرىن ويلاستىرعان ءجون.
ەكىنشى – ەكونوميكالىق بلوك. قازىرگى تاڭدا تەڭسىزدىك ماسەلەسى, م ۇلىكتىك جىكتەلۋ بايقالا باستادى, سونىمەن بىرگە حالىقتىڭ الەۋمەتتىك پروبلەمالارى تولىق شەشىلمەي جاتقانى دا بارشاعا بەلگىلى. مەملەكەت باسشىسى وسى پروبلەمالاردى اشىق كورسەتىپ, ۇكىمەتتى كوپشىلىكتىڭ كوكەيىندە جۇرگەن «سامۇرىق-قازىنا» قورى جانە باسقا دا ۇلتتىق كومپانيالاردىڭ ساتىپ الۋلارىنىڭ اشىقتىعىنا قاتىستى ماسەلەلەردى, جەكەشەلەندىرۋگە قاتىستى شەشىمدەرىنىڭ تولىق, اشىق ءارى ايقىن بولۋى, ەكونوميكاداعى وليگاپوليا, بيزنەستى قولداۋعا ارنالعان مەملەكەتتىك شارالاردىڭ كەمشىلىكتەرى, جەمقورلىق سەكىلدى مەملەكەتتىڭ دامۋىن تەجەيتىن پروبلەمالاردى شەشۋگە شاقىردى.
ۇشىنشىدەن, مەملەكەتتىك قىزمەت پەن مەملەكەتتىك باسقارۋ جۇيەسىنە ارنالعان بلوك. وسى ۋاقىتقا دەيىن دە مەملەكەتتىك قىزمەتكەرلەردىڭ تيىمدىلىگى تۋرالى ايتىلىپ كەلە جاتىر. مەملەكەتتىك قىزمەتكەرلەر سانى 15 پايىزعا دەيىن قىسقارتىلدى. وسىمەن مەملەكەت باسشىسى قىسقارتۋدى توقتاتۋعا ۇسىندى. الايدا بۇل سالاداعى ساپالىق, مازمۇندىق جۇمىسقا اسا نازار ءبولۋ قاجەتتىلىگى العا قويىلدى. مەريتوكراتيا قاعيداتىن دۇرىس ءتۇسىنىپ, ونى ءتيىمدى ءارى اقىلمەن ىسكە اسىرۋعا شاقىردى.
تورتىنشىدەن, الەۋمەتتىك سالانىڭ ساپالىق تۇرعىدا جاڭارۋى. ول البەتتە, حالىقتىڭ ءال-اۋقاتىن, تابىسىن كوتەرۋ, مەديتسينالىق, ءبىلىم بەرۋ, الەۋمەتتىك يگىلىكتەرىن كەدەرگىسىز, تولىق مولشەردە پايدالانۋ, ولاردىڭ قولجەتىمدى بولۋىمەن بايلانىستى. وسى رەتتە پرەزيدەنت قاسىم-جومارت توقاەۆ الەۋمەتتىك كودەكستە وسىنىڭ بارلىعى سوڭعى احۋالدى, پاندەميانىڭ سالدارىن ەسكەرە وتىرىپ, كورىنىس تابۋ كەرەكتىگىنە اسا ءمان بەردى.
مەملەكەت باسشىسىنىڭ ايتۋىنشا, مەملەكەتتىك بيۋدجەتتىڭ 50 پايىزىنان كوبى الەۋمەتتىك سالاعا جۇمسالادى, دەگەنمەن ول ءالى دە جەتكىلىكسىز. بۇل ورايدا, دەنساۋلىق, بالالاردى قورعاۋ, ءبىلىم بەرۋ سەكىلدى سالالاردى قولداۋ ماقساتىندا قوعامدىق قور تەتىگىن پايدالانۋ تۋرالى پرەزيدەنتتىڭ ۇسىنىسى, مەنىڭ ويىمشا, وتە ورىندى ءارى حالىقارالىق تاجىريبەگە ساي.
مەملەكەتتى ءارى قاراي دامىتۋداعى وسى اۋقىمدى مىندەتتەردى اشىپ كورسەتكەن پرەزيدەنت ق.توقاەۆتىڭ حالىقتىڭ جاعدايىن ءجىتى ءتۇسىنىپ, الەۋمەتتىك-ەكونوميكالىق سالالاردا بەلەڭ الىپ جاتقان كەمشىلىكتەر مەن قيىندىقتاردى ەڭسەرۋگە بار كۇشىن سالاتىنىنا بۇكىل قوعام سەنىم ارتادى.
زارەما شاۋكەنوۆا,
قازاقستان رەسپۋبليكاسىنىڭ پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى
