«ەڭ الدىمەن, ولار قالانىڭ اكىمشىلىك عيماراتتارىن, الماتى قالاسىنداعى تەلەارنالاردىڭ كەڭسەلەرىن باسىپ الىپ, قيراتتى. ورتالىق تەلەديداردا تىكەلەي ەفيرگە شىعۋعا بىرنەشە ارەكەت جاسالدى. ەكى رەت شەكارا اسكەرىنىڭ كۇشىمەن كوكتوبەدەگى تەلەمۇناراعا جاسالعان شابۋىلدىڭ بەتى قايتارىلدى. اۋەجاي مەن بىرنەشە ۇشاق جەدەل باسىپ الىندى. بارلىق باسىپ الىنعان وبەكتىلەردە بارريكادالار مەن بلوكبەكەتتەر ورناتىلدى. تۇتقىندالعان اكىمدىكتىڭ ءار قاباتىندا سودىرلار كەزەكشىلىك ەتتى, بارلىق كىرىپ-شىعاتىن دالىزدەردى قاداعالادى. ولار قالا بويىنشا وڭتايلى باعىتتار بويىنشا قوزعالىپ وتىرعان. ءوزارا ارنايى جەكە بايلانىس جەلىسىن قولدانعان بولۋى مۇمكىن», دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.
ونىڭ ايتۋىنشا, تەرروريستەر جاعىنان ارنايى ۆينتوۆكالارى بار مەرگەندەر ارەكەت ەتكەن.
«مەرگەندەر سىرتقى باقىلاۋ كامەرالارى, بايلانىس جانە اۋديوۆيزۋالدى اقپاراتتى بەرۋ قۇرالدارىنىڭ كوزىن جويدى. باستى كوزدەگەندەرى قۇقىق قورعاۋ ورگاندارىنىڭ قىزمەتكەرلەرى بولدى. جاس كۋرسانتتىڭ باسىن كەسىپ كەتكەن كەم دەگەندە ءبىر جاعداي بەلگىلى. قازىرگى ۋاقىتتا 18 قىزمەتكەردىڭ قايتىس بولعانى انىقتالدى», دەدى داۋرەن اباەۆ.
