الماتى قالالىق ءىىد قىزمەتكەرلەرى قاراساي باتىر – ماسانچي كوشەلەرىن تازالاۋ ءۇشىن العا جىلجىعانى حابارلاندى.
– ءتارتىپ بۇزۋشىلاردى ۇستاۋ شارالارى جۇرگىزىلىپ جاتىر. بارلىعى ەكى مىڭعا جۋىق ادام پوليتسياعا جەتكىزىلدى, - دەلىنگەن حابارلامادا.
6 قاڭتارداعى جاعداي بويىنشا قوستاناي وبلىسىندا جاعداي تۇراقتى. قوعامدىق ءتارتىپ تۇندە قالپىنا كەلتىرىلدى.
– ءبىر توپ ادامنىڭ زاڭسىز ارەكەتى سالدارىنان ءبىر پوليتسيا قىزمەتكەرى زارداپ شەكتى. وقيعا ورنىن تەكسەرۋ بارىسىندا جانعىش قوسپاسى بار بوتەلكە تاركىلەندى, سونىمەن قاتار ءبىر ازاماتتان تراۆماتيكالىق تاپانشا الىندى, - دەلىنگەن ءباسپاسوز حابارلاماسىندا.
قىزىلوردادا تارتىپسىزدىكتەن كەيىن قالا عيماراتتارىنىڭ تەرەزەلەرى مەن ەسىكتەرى سىنعان.
– ىشكى ىستەر ورگاندارىنىڭ قىزمەتكەرلەرى قوعامدىق ءتارتىپتى تيىسىنشە قورعاپ جانە ازاماتتاردىڭ قاۋىپسىزدىگىن قامتاماسىز ەتۋدە, – دەپ تولىقتىردى ءىىم.
