زاڭسىز ارەكەتكە بارعاندار جەدەل جاردەم كولىگىنىڭ قىزمەتىنە كەدەرگى جاساپ, مەديتسينا قىزمەتكەرلەرىنىڭ دۇرىس جۇمىس ىستەۋىنە مۇمكىندىك بەرمەي, زيان تيگىزۋدە. بۇل تۋرالى الماتى قالاسى كومەنداتۋراسىنىڭ اقپاراتتىق ورتالىعى مالىمەت تاراتتى.
الماتى قالاسى قوعامدىق دەنساۋلىق باسقارماسى كەلتىرگەن دەرەكتەرگە زەر سالساق, ءتارتىپ بۇزۋشىلار ەمحانالار مەن اۋرۋحانالارعا ەركىن كىرىپ, مەديتسينا مەكەمەلەرىنىڭ م ۇلىكتەرىنە ايتارلىقتاي زيان كەلتىرگەن.
«زاڭسىز ارەكەتتەر ناتيجەسىندە جەدەل جاردەمنىڭ 5 قىزمەتكەرى, ونىڭ ىشىندە 2 جۇرگىزۋشى مەن 3 مەديتسينا قىزمەتكەرى زارداپ شەكتى. زارداپ شەككەندەر قالالىق ستاتسيونارلارعا جەتكىزىلدى», دەلىنگەن حابارلامادا.
ودان بولەك, 2 جەدەل جاردەم كولىگى ب ۇلىنگەن. سونىمەن قاتار, قالالىق كارديولوگيالىق ورتالىقتا قابىلداۋ بولمەسى مەن كلينيكالىق-دياگنوستيكالىق بولىمشەنىڭ اينەكتەرى سىنعان. سالدارىنان №7 قكا قابىلداۋ بولمەسىنە پاتسيەنتپەن جەدەل جاردەم كولىگىنىڭ قاتىناۋى توقتاعان.
«مۇنداي ارەكەتتەردىڭ سالدارىنان پاتسيەنتتەرگە ۋاقتىلى مەديتسينالىق كومەك قيىن. ازاماتتاردىڭ دەنساۋلىعى مەن ومىرىنە قاۋىپ توندىرەدى», دەلىنگەن قوعامدىق دەنساۋلىق باسقارماسىنىڭ حابارلاماسىندا.
