مينيستر قالا پوليتسياسىنىڭ بىرقاتار نىساندارىن ارالاپ, مەملەكەت باسشىسىنىڭ ازاماتتاردىڭ پوليتسياعا قولجەتىمدىلىگىن بارىنشا جەڭىلدەتۋگە باعىتتالعان پوليتسيا جۇمىسىنىڭ سەرۆيستىك مودەلىن جانە «قادامدىق قولجەتىمدىلىكتەگى پوليتسيا» قاعيداتىن ەنگىزۋ جونىندەگى تاپسىرمالارىنىڭ ورىندالۋ بارىسىمەن تانىستى.
«قادامدىق قولجەتىمدىلىكتەگى پوليتسيا» قاعيداتىن ىسكە اسىرۋداعى شەشىمدەردىڭ ءبىرى - مودۋلدىك ۇلگىدەگى ستاتسيونارلىق بەكەتتەردى ورناتىپ, ۋچاسكەلىك پوليتسيا پۋنكتتەرىنىڭ سانىن ۇلعايتۋ.
ۋچاسكەلىك پوليتسيا پۋنكتىن ارالاۋ كەزىندە ۋچاسكەلىك پوليتسيا ينسپەكتورلارى قىزمەتىنىڭ ساپاسىن جاقسارتۋ, ۋچاسكەلىك پۋنكتتەر, ءموبيلدى بەكەتتەر جەلىسىن وڭتايلى ورنالاستىرۋ جانە كەڭەيتۋ, ازاماتتاردىڭ ساۋالىنا دەن قويۋ جەدەلدىگىن ارتتىرۋ جونىندەگى شارالار قارالدى.
بيىل ەلوردادا 10 ۋچاسكەلىك پۋنكت پەن ازاماتتاردىڭ سۇراۋلارىنا پوليتسيانىڭ ۋاقتىلى جانە ساپالى ارەكەت ەتۋىن قامتاماسىز ەتەتىن 10 مودۋلدىك پوليتسيا بەكەتى ىسكە قوسىلدى. جىل سايىن ەلوردالىق پوليتسيانىڭ ماتەريالدىق-تەحنيكالىق بازاسى جاقسارىپ كەلەدى. قولدانىستا قۇقىقتىق ءتارتىپتى قورعاۋعا جانە قىلمىسقا قارسى كۇرەسكە ارنالعان زاماناۋي تەحنيكا مەن قىزمەتتىك اۆتوكولىك بار.
سونىمەن قاتار, قالا اكىمدىگىنىڭ قولداۋىمەن پوليتسيا دەپارتامەنتى ءۇشىن 42 اۆتوكولىك پەن 57 بىرلىك كومپيۋتەرلىك تەحنيكا ساتىپ الىندى. مۇنىڭ بارلىعى ازاماتتاردىڭ وتىنىشتەرىنە جەدەل دەن قويۋ, ىشكى ىستەر ورگاندارىنىڭ اشىقتىعى مەن قولجەتىمدىلىگى ءۇشىن جاسالۋدا. اتالعان شارالار ەلوردا تۇرعىندارى مەن پوليتسەيلەر اراسىندا تىعىز قارىم-قاتىناس ورناتۋعا, ۇساق قۇقىق بۇزۋشىلىقتاردىڭ الدىن الۋعا جانە اسا اۋىر قىلمىستاردى بولدىرماۋعا مۇمكىندىك بەرەدى.
مەملەكەت باسشىسىنىڭ تاپسىرمالارىن ىسكە اسىرۋ ماقساتىندا «حالىق ۇنىنە قۇلاق اساتىن مەملەكەت» تۇجىرىمداماسى اياسىندا قۇقىقتىق ءتارتىپتى قامتاماسىز ەتۋ سالاسىنا تسيفرلىق شەشىمدەر بەلسەندى ەنگىزىلۋدە. حالىقپەن تىكەلەي بايلانىستا بولاتىن سىرتقى قىزمەتتىڭ بارلىق قىزمەتكەرلەرى پلانشەتتەر مەن بەينەتىركەگىشتەرمەن قامتاماسىز ەتىلگەن. قالا كوشەلەرىندە ارنايى قۇرىلعىلار ورناتىلادى, ولار زاڭعا قايشى ارەكەتتەر نەمەسە توتەنشە جاعدايلار تۋىنداعان كەزدە دابىل سيگنالىن بەرۋگە جانە پوليتسياعا شۇعىل قوڭىراۋ شالۋعا ارنالعان.
قازىرگى ۋاقىتتا ازاماتتار كوپ جينالاتىن جەرلەردە ازاماتتاردىڭ پوليتسياعا قاشىقتان جۇگىنۋى ءۇشىن 13 «دابىل باتىرماسى» ورناتىلعان. قۇرىلعىلار ىسكە قوسىلعاننان بەرى 700-گە جۋىق سيگنال كەلىپ ءتۇستى. نەگىزىنەن ادامدار كەڭەس الۋعا, قۇجاتتار جوعالعان كەزدە, حابار-وشارسىز جوعالعان ادامدى ىزدەۋگە, تەلەفون ۇرلىعى, پاتەر ۇرلىعى, دەنە جاراقاتىن سالۋ جانە باسقا دا جاعدايلاردا جۇگىندى.
ء«بىزدىڭ باستى مىندەتىمىز – ازاماتتاردىڭ قاۋىپسىزدىگى. سوندىقتان ءبىز ۋچاسكەلىك ينسپەكتوردىڭ – پوليتسيانىڭ ۇلتتىق سەرۆيستىك مودەلىنىڭ باستى فيگۋراسىنىڭ ءتيىمدى جۇمىس ىستەۋى, «قادامدىق قولجەتىمدىلىكتەگى پوليتسيا» قاعيداتىن قامتاماسىز ەتۋ جانە قاجەت بولعان جەردە ءتارتىپ ساقشىلارىنىڭ تۇراقتى تۇردە بولۋى ءۇشىن بارلىق جاعدايدى جاساۋدى جالعاستىرامىز», دەدى ءىىم باسشىسى.
