الماتى قالاسى قازاقستان حالقى اسسامبلەياسى توراعاسىنىڭ ورىنباسارى, قالا اكىمىنىڭ ورىنباسارى ەرجان باباقۇماروۆ قالانىڭ ەتنومادەني بىرلەستىكتەرىنىڭ وكىلدەرىمەن كەزدەسۋدە مەگاپوليستە قوعامدىق كەلىسىمدى دامىتۋ مەن نىعايتۋدىڭ وزەكتى ماسەلەلەرىن تالقىلادى.
كەزدەسۋ بارىسىندا دوستىق ءۇيىنىڭ جۇمىسىن دامىتۋ ماسەلەلەرى, قالانىڭ قحا-نىڭ پەرسپەكتيۆالىق باعىتتارى, مادەني-گۋمانيتارلىق جانە قايىرىمدىلىق سالالارىنداعى ىقتيمال جوبالار تالقىلاندى.
كەزدەسۋدە 2022-2023 جىلدارعا ارنالعان الماتى قالاسى تۇرعىندارىنىڭ ەتنيكالىق توپتارى اراسىندا مادەنيەتارالىق كوممۋنيكاتسيانى, ءوزارا ءىس-قيمىل مەن ينتەگراتسيانى ودان ءارى دامىتۋ جونىندەگى جۇمىس تۇجىرىمداماسى ۇسىنىلدى. كەزدەسۋگە قاتىسۋشىلاردىڭ پىكىرىن ەسكەرە وتىرىپ, قۇجات جوباسىنا تولىقتىرۋلار ەنگىزىلەتىن بولادى.
ە.باباقۇماروۆ قالانىڭ ەتنومادەني بىرلەستىكتەرى قالاي ورنالاسقاندىعىمەن تانىستى. ولاردىڭ سانى الماتىدا - 36. كەڭ عيماراتتا داستۇرلەردى, تىلدەردى, مادەنيەتتى ساقتاۋ ءۇشىن بارلىق جاعدايلار جاسالعان. مۇندا 24 كابينەت, كونفەرەنتس-زال, ءتىل سىنىبى, بي زالى, مەدياتسيا جانە قوعامدىق كەلىسىم كەڭەسى كابينەتتەرى, سونداي-اق قوعامدىق قابىلداۋ بولمەسى بار.
كەزدەسۋ سوڭىندا ە.باباقۇماروۆ ەتنومادەني بىرلەستىكتەردىڭ بەلسەندى مۇشەلەرىنە ەتنوسارالىق قاتىناستاردى دامىتۋعا جانە قوعامدىق كەلىسىمدى نىعايتۋعا قوسقان ۇلەسى ءۇشىن العىس حاتتار تاپسىردى.
