ۇلى دالانىڭ ۇنىنە اينالعان, ۇلتتىق رۋحانياتتىڭ, قازاق ونەرى مەن مادەنيەتىنىڭ قارا شاڭىراعى «Qazaq radiosy» مەن «شالقار» راديوسى تۋرالى شەبەرلىك ساعاتىن راديودا قىزمەت ەتىپ, عىلىمي ەڭبەكتەر جازعان جۋرناليستيكا فاكۋلتەتىنىڭ ۇستازدارى جۇرگىزدى.
اپتالىقتىڭ العاشقى كۇنىندە بولاشاق جۋرناليستەرگە «تىكەلەي ەفيردەگى مۋزىكالىق باعدارلامانىڭ مازمۇنى مەن كوركەمدىك ساپاسى» تاقىرىبىندا شەبەرلىك ساعاتىن وتكىزگەن مادەنيەت سالاسىنىڭ ۇزدىگى, جۇرگىزۋشى-رەداكتور گۇلميرا ءنالىباي راديوحابارلاردىڭ پارمەندىلىگىن ارتتىرۋداعى مۋزىكانىڭ ىقپالى, تىكەلەي ەفيردىڭ وزىندىك ەرەكشەلىكتەرىنە توقتالدى. ال اقپارات سالاسىنىڭ ۇزدىگى جانار ورازىمبەت «راديو ەفيردەگى تۇلعالار بولمىسى, پورترەتتىك حابار جاساۋ تاسىلدەرى جانە جاڭالىقتار دايىنداۋ» تاقىرىبىندا شەبەرلىك ساعاتىن وتكىزدى. جانار ورازىمبەت تۇلعالار پورترەتىن اشۋدىڭ قىر-سىرىمەن بولىسە كەلىپ, حابار جاساۋ بارىسىندا كەيىپكەردىڭ ءومىربايانى مەن قىزمەت جولىن بايانداپ ءوتۋدىڭ جەتكىلىكسىزدىگىن ءارى ءبىرسارىندى حابارلار تىڭدارمانعا تارتىمسىز بولاتىنىن جەتكىزدى. ال كەيىپكەر مىنەزىن اشا ءبىلۋدىڭ ءوزى شەبەرلىك بولسا, تۇلعانىڭ بەيمالىم قىرلارىن اشۋ, ونى جۇرگىزۋشى داۋىسىمەن جەتكىزۋ جاقسى حابار دايىنداۋ بارىسىندا قاپەرگە الاتىن باستى قاعيدالار.
اپتانىڭ ءۇشىنشى كۇنى شەبەرلىك ساعاتىن وتكىزگەن «شالقار راديوسىنىڭ» ديرەكتورى بولاتبەك تولەپبەرگەن تاۋلىك بويى حالقىمىزدىڭ سالت-ءداستۇرى, ادەت-عۇرپى, ءتىلى, ءدىنى, مادەنيەتى جايىندا حابار تاراتاتىن راديونىڭ تىنىس-تىرشىلىگىنە توقتالدى. راديونىڭ التىن قورىنان مۇستافا شوقاي مەن مۇقاعالي ماقاتاەۆتىڭ داۋىسىن تىڭداعان ستۋدەنت-جاستار مۇستافا شوقايدىڭ: «تۇركىستان جاستارى, بىرلەسىڭدەر! سەندەردىڭ بىرلىكتەرىڭ, سەندەردىڭ ءبىر-بىرلەرىڭە كۇش قوسۋلارىڭ, ەلىمىزدىڭ باسىنا قىزمەت ەتپەك. مۇنى ۇمىتپاڭدار. ءبارىمىزدىڭ قۇبىلامىز, ءوزىمىزدىڭ اتاجۇرتىمىز, ولكەمىز – تۇركىستان بولماق. تۇركىستان ءۇشىن ءولۋ, تۇركىستان ءۇشىن جان بەرۋ – بارىمىزگە ءبىر ماقسات. مۇنى ۇمىتپاۋ كەرەك. تۇرىك حالقى باتىر حالىق. تۇرىك حالقى ارىستان ەر حالىق», – دەگەن جالىندى سوزدەرىنەن العان اسەرلەرىمەن ءبولىستى.
راديوداعى ءۇن تازالىعى مەن بالالار حابارىن دايىنداۋدىڭ وزىندىك ەرەكشەلىگى جايىندا جۋرناليست گۇلباعىش بوستان ايتىپ بەردى. ستۋدەنت-جاستاردىڭ بويىنداعى جۋرناليستىك قابىلەتتى دامىتۋ جونىندە تاجىريبەلىك كەڭەستەرمەن بولىسكەن رەداكتور-جۇرگىزۋشى بالالار حابارىن دايىنداۋدىڭ ءادىس-تاسىلدەرىمەن بولىسسە, جۇرگىزۋشى-رەداكتور وڭعار قۇرالوۆ ەفيردەگى سويلەۋ مادەنيەتى, ءتىل تازالىعى تۋرالى, «التىن قور» حابارلارىنىڭ قۇندىلىعى جايىندا سالماقتى پىكىرلەر, تۇشىمدى ويلارىن ايتتى. ستۋدەنتتەر ءتىل تازالىعىنا بايلانىستى عالىم رابيعا سىزدىقوۆانىڭ, اقىن ورازاقىن اسقاردىڭ جازبالارىن تىڭدادى.
ءبىر اپتا بويى جۋرناليستيكا فاكۋلتەتىنىڭ ستۋدەنتتەرى «Qazaq radiosy»-نىڭ ارعى-بەرگى تاريحىنان مول ماعلۇمات الىپ, تاجىريبە جيناپ, شەبەرلىك ساعاتتارىن وتكىزگەن پروفەسسور كلارا قابىلعازينانىڭ ء«داۋىر ءۇنى», دوتسەنت جيدەگۇل ابدىجادىلقىزىنىڭ «قازاق راديوسىنداعى تاۋەلسىزدىك شەجىرەسى», PhD دوكتور زارينا قايراتقىزىنىڭ «پودكاست باستاۋعا قاجەتتى بازالىق قۇرالدار» جايىنداعى دارىستەرىن تىڭدادى.
اپتالىق بارىسىندا بۇۇ جاھاندىق كوممۋنيكاتسيالار دەپارتامەنتىنىڭ وكىلى ۆلاستيميل سامەك, جۋرناليستيكا فاكۋلتەتىنىڭ دەكانى سانسىزباي ماديەۆ الداعى ۋاقىتتا دا فاكۋلتەت پەن قازاق راديوسى اراسىنداعى ىنتىماقتاستىق, ءوزارا تاجىريبە الماسۋ جالعاسا بەرەتىنىن ايتتى, شەبەرلىك ساعاتىن وتكىزگەن جۋرناليستەرگە ءال-فارابي اتىنداعى قازۇۋ كادەسىيلارىن تابىس ەتتى.
الماتى
