قالا اكىمى باقىتجان ساعىنتاەۆ جۇمىس ساپارى كەزىندە ناۋرىزباي اۋدانى قالقامان-2 شاعىن اۋداندا اشىلعان 1800 ورىندى №206 جانە الاتاۋ اۋدانىنىڭ توميريس شاعىن اۋدانىندا سالىنعان №205 مەكتەپ جۇمىسىمەن تانىستى. زاماناۋي جيھازدارمەن, قاجەتتى وقۋ قۇرىلعىلارىمەن جابدىقتالعان بۇل مەكتەپتە 1500 بالا ءبىلىم الاتىن بولادى.
تولىقتاي جابدىقتالعان مەكتەپ كەلەسى توقساننان باستاپ قابىلداۋعا دايىن. قازىرگى كەزدە وقۋشىلاردىڭ ءتىزىمى جاساقتالۋدا. ايتا كەتەرلىگى, جاڭا مەكتەپتەر تيپتىك جوبالار بويىنشا سالىنباعان. جوبالاۋ كەزىندە وقۋ ورىندارىنا قويىلاتىن جاڭا ستاندارتتار ارنايى ازىرلەنىپ, قابىلداندى. ولار زاماناۋي ساۋلەت, ويلاستىرىلعان ديزاين, كەڭ سىنىپتار مەن قوعامدىق كەڭىستىگى بار ەرگونوميكالىق ينتەرەرمەن ەرەكشەلەنەدى. جوبا اۆتورلارى ءار ورىننىڭ اۋقىمدىلىعىنا قولجەتكىزۋدى ماقسات ەتتى. مۇندا بال اراسىنىڭ ۇياسى ءتارىزدى كابينەتتەر ەرەكشە نازار اۋدارتادى. بۇل نىسان ءۇي-جايلاردىڭ بارىنشا تابيعي جارىقتاندىرىلۋىن قامتاماسىز ەتۋگە مۇمكىندىك بەردى. كەڭ دالىزدەر مەكتەپ ىشىندە ەركىن جۇرۋگە مۇمكىندىك بەرەدى.مۇندا بالالار مەن مۇعالىمدەردىڭ جايلىلىعى ءۇشىن بارلىعى جاسالعان. مەكتەپتەردە سپورت زالدارى, اسحانا, زەرتحانا جانە باسقا دا سىنىپتار قاراستىرىلعان. ستاديوندارى جاراقتانعان مەكتەپتەردەگى بارلىق كەڭىستىكتەر بارىنشا كوگالداندىرىلعان. Face ID زاۋامانۋي جۇيەسى قاۋىپسىزدىك ءۇشىن اسا قولايلى. اتا-انالار بالالاردىڭ مەكتەپتەگى ۋاقىتىنان حابارلامالار الا الادى. ءۇش جاقتان كىرەتىن جەكە توپتار قاۋىپسىز سانيتارلىق-ەپيدەميولوگيالىق رەجىمدى قامتاماسىز ەتۋگە مۇمكىندىك الادى. ەسكە سالا كەتەر بولساق, بۇرىندارى ناۋرىزباي اۋدانىننىڭ اقجار شاعىن اۋدانىندا №186 مەكتەپتىڭ جاڭا كورپۋسى اشىلعان بولاتىن. ال كەلەسى جىلى قالقامان شاعىن اۋداندا 1500 ورىندى مەكتەپتىڭ, قارعالى شاعىن اۋدانىنداعى «زەردە» جەكە مەنشىك مەكتەبىنىڭ, شۇعىلا شاعىن اۋدانىندا 1200 جانە 1500 ورىندى ەكى مەكتەپتىڭ, قۇرامىس شاعىن اۋدانىندا 1200 ورىندى مەكتەپىڭ قۇرىلىستارىن اياقتاۋ, №15 ساناتورلىق-مەكتەپ ينتەرناتتى رەكونسترۋتسيالاۋ جوسپارلانىپ وتىر.
سونىمەن قاتار, الاتاۋ اۋدانىندا بيىل 125 ورىندى №166 مەكتەپتىڭ جاڭا كورپۋسى پايدالانۋعا بەرىلدى. سايالى, نۇركەنت, دارحان جانە راحات-مادەنيەت شاعىن اۋداندارىندا 6300 ورىندى 4 مەكتەپتىڭ قۇرىلىسى جۇرگىزىلۋدە. ولاردى 2022 جىلى اياقتاۋ جوسپارلانعان.
سونىمەن قاتار, سايالى-2 شاعىن اۋدانىندا 550 ورىندى جانە زەردەلى شاعىن اۋدانىندا 600 ورىندى مەكتەپ قۇرىلىستارىنىڭ جوسپارى ازىرلەنۋدە. شاپاعات شاعىن اۋدانىندا 600 ورىندى مەكتەپ قۇرىلىسى ءۇشىن №150 مەكتەپكە ىرگەلەس جەر ۋچاسكەلەرىن ساتىپ الۋ بويىنشا جۇمىستار جۇرگىزىلۋدە.
