بۇل تۋرالى Otyrar.kz تەلەارناسى ءمالىم ەتتى.
ارنانىڭ حابارلاۋىنشا, اباي اۋدانى پوليتسيا باسقارماسىنا جەرگىلىكتى تۇرعىن ارىزدانعان. ارىزدانۋشىنىڭ ايتۋىنشا, بۇرىنعى ازاماتتىق نەكەدەگى كۇيەۋى پاتەرىنە كەلىپ, ۇيالى تەلەفونىن اشىق تۇردە يەمدەنۋ ارقىلى اتىنان جاسىرىن تۇردە نەسيە راسىمدەگەن. كەلتىرىلگەن شىعىن كولەمى 2 ملن تەڭگەنى قۇراعان. ياعني, ارىزدانۋشى ۇيالى تەلەفونىنداعى قوسىمشاعا نەسيە بويىنشا كەلگەن حابارلامانى كورىپ, وزىنە زاڭسىز نەسيە راسىمدەلگەنىن ءبىلىپ, پوليتسەيلەرگە جۇگىنگەن.
حاباردى العان اباي اپب كريمينالدىق پوليتسيا ءبولىمىنىڭ قىزمەتكەرلەرى اتالعان جايتقا قاتىسى بار ازاماتتى ىزدەۋگە كىرىستى. جان-جاقتى تەكسەرۋ جۇمىستارىن جۇرگىزىپ, ناتيجەسىندە ازاماتتى قالا اۋماعىنان قولعا ءتۇسىرىپ, باسقارماعا جەتكىزدى.
تەرگەۋ بارىسىندا بەلگىلى بولعانداي, ۇستالعان ازامات الىنعان نەسيەنى ءوزىنىڭ باس پايداسى ءۇشىن جاراتىپ جىبەرگەن.
قازىرگى تاڭدا ازاماتقا قاتىستى قر قك 190-بابىمەن (الاياقتىق) سوتقا دەيىنگى تەرگەۋ امالدارى جۇرگىزىلۋدە.
