جاس اقىندار جارقىلى

رۋحاني شارانى نۇر-سۇلتان قالاسىنىڭ جاستار ساياساتى ماسەلەلەرى باسقارماسى جانە قازاقستان جاس­تارىنىڭ كونۆەنتى ۇيىمداستىردى. ل.ن.گۋميلەۆ اتىنداعى ەۋرازيا ۇلت­تىق ۋنيۆەرسيتەتىندە وتكەن ءدۇبىرلى جىر دوداسىنا جەر-جەردەن كەلگەن 14-29 جاس ارالىعىنداعى ايتىس ونە­رىنىڭ جاس قىراندارى قاتىستى. جىر بايگەسىنە قازاقستاننىڭ ەڭبەك سىڭىرگەن قايراتكەرى, اقىن ءجۇرسىن ەرمان باستاعان ەلگە بەلگىلى قالامگەرلەر قازىلىق ەتتى.

ءىس-شارانىڭ ماقساتى – جاس دارىن­داردىڭ كوپشىلىككە شەبەرلىگىن كورسەتۋ, ولاردى وتانسۇيگىشتىككە تاربيەلەۋ جانە ۇلتتىق سانا-سەزىمىن وياتۋ. ساحنانى جىرعا بولەگەن اقىندار بۇل ۇدەدەن شىقتى دەگەن ويدامىز. وعان شارا بارىسىنداعى كورەرمەننىڭ ءىلتيپاتى دالەل.

ايتىستى قۇتتىقتاۋ سوزبەن اشقان ۋنيۆەرسيتەت رەكتورى ەرلان سىدىقوۆ قازاق ادەبيەتى كافەدراسىنىڭ پروفەس­سورى, فيلولوگيا عىلىمدارىنىڭ دوكتورى امانجول ءالتايدىڭ كەۋدەسىنە «كۇلتەگىن» مەدالىن تاعىپ, يىعىنا شاپان جاپتى. ودان كەيىن قازىلار القاسىنىڭ توراعاسى ءجۇرسىن ەرمانعا ستۋدەنتتەر قاۋىمىنىڭ اتىنان سىي-سياپات جاسادى.

قورىتىندىلاي كەلگەندە, ءبىرىنشى ورىنعا ل.ن.گۋميلەۆ اتىنداعى ەۇۋ فيلو­لوگيا فاكۋلتەتىنىڭ ستۋدەن­تى ابزال ماقاش يە بولدى. ال ەكىن­شى تۇ­عىرعا قازاق ۇلتتىق ونەر ۋني­ۆەر­سيتەتىنىڭ ستۋدەنتى اقبوتا ما­ناربەكوۆا مەن ت.جۇر­گەنوۆ اتىنداعى قازاق ۇلت­تىق ونەر اكا­دەمياسىنىڭ ستۋدەنتى مەيىر­­بەك سالاماتوۆ شىقتى. سونداي-اق ءۇشىنشى ساتىدان ل.ن.گۋميلەۆ اتىن­دا­عى ەۇۋ جۋرناليستيكا جانە سايا­سات­تانۋ فاكۋلتەتىنىڭ ستۋدەنتى ەراسىل باي­مەنتاەۆ, «استانا» مەديتسينا ۋني­ۆەر­سيتەتىنىڭ ستۋدەنتى ساعىنىش سمەت, ح.دوس­مۇحامەد ۇلى اتىنداعى اتى­راۋ مەملە­كەتتىك ۋنيۆەرسيتەتىنىڭ ستۋ­دەنتى فاريزا جەتپىسباەۆا كورىندى.