اشىقتىق پەن تيىمدىلىكتى ارتتىرادى

ا.احمەتوۆانىڭ ايتۋىنشا, بۇل تۇزەتۋلەر پارلامەنتتە بار­لىق مۇددەلى تاراپتار, اتاپ ايتقان­دا, اۆتورلىق قوعام­داس­تىقتار, پا­تەنتتىك سەنىم بىل­دىرگەن وكىلدەر, كا­سىپكەرلەر, حا­لىق­ارالىق جانە ۇلت­تىق ساراپشىلار شاقىرىلاتىن جۇمىس توپ­تارى بارىسىندا قارا­لىپ, تال­قىلانادى. سونىمەن قا­تار «گەوگرافيالىق كورسەتۋ» ونەر­كاسىپتىك مەنشىكتىڭ جاڭا وبەكتى­سىن كۇزەتۋدى ەنگىزۋ, تىركەلمەگەن ونەركاسىپتىك ۇلگىلەرگە قاتىستى قىسقا مەرزىمدى كۇزەتۋدى ۇسىنۋ دا قاراستىرىلعان. تاۋار تاڭبالا­رى, گەوگرافيالىق كورسەتكىشتەر جانە تاۋار شىعارىلعان جەر­دىڭ اتاۋلارى بويىنشا «وپپو­زيتسيالىق» جۇيەنى ەنگىزۋ, پا­تەنتتىك سەنىم بىل­دىرىلگەن وكىل­دەردىڭ قىزمەتىن رەتتەۋ بويىن­شا دا ماسەلەلەر تال­قىعا سالى­نىپ وتىر. «تۇزەتۋلەر كەزىندە قۇ­قىقتاردىڭ ۇجىمدىق باسقارۋ سالاسىندا اۆتورلاردىڭ نەمەسە قۇقىق يەلەنۋشىلەردىڭ قۇ­قىق­تارىن كولەمى, اۋماعى جانە باس­قارۋ سالالارى بويىنشا شەك­­تەۋى بار ءبىر عانا ۇيىمعا نە­مەسە بىرنەشە ۇيىمعا بەرۋ, سونى­مەن قاتار پايدالانۋشىلار­مەن جاسالاتىن شارتتار جانە اۋديتورلىق قورىتىندىلار تۋرالى تولىق اقپاراتتى ينتەرنەت رەسۋرستا ورنالاستىرۋ جونىندەگى مىندەتتەر قاراستىرىلادى. سون­داي-اق ۇيىم­­نىڭ ناقتى شىعىستارىن جا­بۋعا جانە ارنايى قورلارىنا جىبەرىلەتىن قار­جى كولەمدەرىن ناقتىلاۋ كوزدەلىپ وتىر», دەدى زاڭ تالاپتارىن ەگجەي-تەگجەي ءتۇ­سىندىرىپ وتكەن مينيسترلىك وكىلى.

ۆيتسە-ءمينيستردىڭ مالىم­دە­ۋىن­شە, بۇدان بىلاي ۇيىمدار جي­نالعان سىياقى, ۇستالعان سو­ما­لار تۋرالى ەسەپتەرىن ينتەر­نەت رەسۋرستارىنداعى جەكە كا­بينەت­تە­رى ارقىلى اۆتورلارعا جانە قۇ­قىق يەلەنۋشىلەرگە جى­بەرىپ وتىرۋعا مىندەتتى. ال قازاق­ستاننىڭ زاڭ­ناماسىنا جاڭا­دان ەنگىزىلىپ وتىر­عان «گەو­گرافيالىق كورسەتۋ» دەگەن ۇعىم گەوگرافيالىق نۇسقاۋلاردى تاۋارلار شىعارىلعان جەرلەردىڭ اتاۋلارىنان بولەك تىركەۋگە مۇم­كىندىك بەرمەك. «ونەركاسىپتىك مەن­­­شىك وبەكتىلەرى بويىنشا ق­ا­­­زاق­ستاننىڭ 2 جەكە مەملە­كەت­تىك ءتىزىلىمى جۇرگىزىلەدى. گەو­گرا­فيا­­لىق كورسەتكىشتەردى تاۋار­لار شى­عارىلعان جەرلەردىڭ اتاۋ­لا­رىنان بولەك قورعاۋدى ۇسىنۋ وتان­دىق وندىرۋشىلەردىڭ قۇقىق­تا­رىن ىسكە اسىرۋ مۇمكىن­دىك­تە­رىن كەڭەيتىپ, ۇلتتىق برەند­تەۋ­دى دامىتۋعا وڭ اسەر ەتەدى. تىر­كەل­مەگەن ونەركاسىپتىك ۇلگى­لەر­گە قىسقا مەرزىمدى كۇزەت ۇسى­نۋ قۇ­قىق يەلەنۋشىلەردى بىرە­گەي بۇ­يىم­داردىڭ سىرتقى ءتۇ­رىن تىكە­لەي كوشىرۋدەن قورعاۋ ماقسا­تىن­دا جۇزەگە اسىرىلادى. تىركەل­مە­گەن ونەركاسىپتىك ۇلگى العاشقى جاريا­لان­عاننان كەيىن 3 جىل ىشىن­دە تىر­كەۋ قۇجاتىنسىز جانە قورعاۋ قۇجا­تىنسىز قورعالادى», دەيدى ا.احمەتوۆا.