تەك وسى جىلدىڭ قاراشا ايىندا پوليتسيا قىزمەتكەرلەرى باسقا ارنايى قىزمەتتەرمەن بىرلەسىپ, ەكى جالعان شاقىرتۋدى تەكسەردى.
17 قاراشادا وسكەمەن قالاسى پب 102 جەدەل ارناسىنا قالانىڭ 50 جاستاعى تۇرعىنى حابارلاسىپ, تەررورلىق ارەكەت تۋرالى حابارلاعان. بىراق, وقيعا ورنىنان ەشتەڭە تاپپاعان.
حابارلاسقان ازامات ازىلدەپ, پوليتسياعا تەلەفون سوققانى بەلگىلى بولدى. بىرنەشە كۇننەن كەيىن تاعى دا 46 جاستاعى قالا تۇرعىنى ليحارەۆ كوشەسىندەگى ءۇيدىڭ كىرەبەرىستەرىنىڭ بىرىندە جارىلعىش زات سالىنعانىن حابارلادى. تەكسەرۋ كەزىندە بۇل اقپارات راستالمادى. تەرگەۋ بارىسىندا انىقتالعانداي, بۇل ەكى ادام قوڭىراۋ شالعان ساتتە ماس كۇيدە بولعان ەكەن.
وسى فاكتىلەر بويىنشا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 438-بابىنا سايكەس (ارناۋلى قىزمەتتەردi كورiنەۋ جالعان شاقىرۋ) بويىنشا اكىمشىلىك حاتتامالار تولتىرىلدى. ءار قۇقىق بۇزۋشىعا 30 اەك مولشەرىندە ايىپپۇل تاعايىندالدى. بۇدان باسقا, وسى باپتىڭ سانكتسياسىمەن بۇزۋشىلىقتى قايتا جاساسا, 60 اەك مولشەرىندە ايىپپۇل كوزدەلگەن. ال كامەلەتكە تولماعان ازامات وسى بۇزۋشىلىقتى جاساعان جاعدايدا, 15 اەك مولشەرىندە ايىپپۇل اتا-اناسىنا تاعايىندالادى.
شقو پوليتسيا دەپارتامەنتى قوعامدىق رەزونانس پەن ىقتيمال سالدارلاردى ەسكەرە وتىرىپ, مۇنداي قۇقىق بۇزۋشىلىقتار ءۇشىن قر قك-ءنىڭ 273-بابى (تەرروريزم اكتىسى تۋرالى كورىنەۋ جالعان حابارلاۋ) بويىنشا قىلمىستىق جاۋاپكەرشىلىك كوزدەلگەنىن ەسكەرتەدى. ونىڭ سانكتسياسىندا 5 جىلعا دەيىن باس بوستاندىعىنان ايىرۋ جازاسى كوزدەلگەن.
