سەناتتا بورىشكەرلەرگە قاتىستى زاڭ جوباسى قارالدى

جاڭا نورمالارعا سايكەس بانكتەر مەن سوت ورىنداۋشىلارى بورىشكەرگە كەپىلگە سالىنعان تۇرعىن ءۇيدى ءوز بەتىنشە ساتۋعا مۇمكىندىك بەرۋگە ءتيىس.

سونداي-اق قالعان بورىش كەپىلگە قويىلعان تۇرعىن ءۇي قۇنىنىڭ 15 پايىزىنان كەم بولسا، ونى ءوندىرىپ الۋعا بولمايدى.

وسى جانە باسقا دا نورمالار بۇگىن قارالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك باسقارۋ، ەكىنشى دەڭگەيدەگى بانكتەردىڭ كەپىلدىك ساياساتىن، باعالاۋ قىزمەتىن رەتتەۋدى جانە اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا جازىلدى.

دەپۋتاتتار بۇل نورمالاردىڭ بارىنە قولداۋ ءبىلدىردى. الايدا قۇجاتتى قاراۋ بارىسىندا سەناتورلار وعان بيۋدجەت پروتسەسىنىڭ جەكەلەگەن كەزەڭدەرىن ناقتىلايتىن بىرقاتار تۇزەتۋ ەنگىزدى. وسىعان بايلانىستى، وتىرىستا زاڭ جوباسىن ماجىلىسكە قايتارۋ تۋرالى شەشىم قابىلداندى.

سونىمەن بىرگە سەنات دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە باسەكەلەستىكتى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن دا قارادى. قۇجاتتىڭ باستى مىندەتى – كاسىپكەرلىككە مەملەكەتتىڭ قاتىسۋىن قىسقارتۋ، مونوپولياعا قارسى رەتتەۋ تەتىكتەرىن دامىتۋ جانە مەملەكەتتىك قولداۋ شارالارى مەن مەملەكەتتىك ورگانداردىڭ ساتىپ الۋلارىنا بيزنەستىڭ تەڭ قولجەتىمدىلىگىن قامتاماسىز ەتۋ.

تالقىلاۋ بارىسىندا سەناتورلار زاڭ جوباسىنىڭ نەگىزگى نورمالارىن قولداي وتىرىپ، قۇجاتقا مەملەكەتتىك كاسىپورىندار قۇرۋ كەزىندە ۇلتتىق كاسىپكەرلەر پالاتاسىنىڭ كەلىسىمىن الۋ جونىندەگى تالاپتى الىپ تاستاۋ تۋرالى تۇزەتۋ ەنگىزدى جانە ونى ماجىلىسكە قايتاردى.