بۇل تۋرالى OTYRAR سايتى جازادى.
قايعىلى وقيعا ەكى كۇن بۇرىن اسار-2 ىقشاماۋدانىندا تاڭعى ساعات 11-دە بولعان. مارقۇمنىڭ كورشىلەرىنىڭ ايتۋىنشا, قىز مەيىرىمدى جانە ادەپتى بولعان. سوندىقتان ونىڭ مۇنداي قادامعا بارۋىنا نە تۇرتكى بولعانى بەيمالىم. جازاتايىم وقيعا بولۋى مۇمكىن ەكەنى دە جوققا شىعارىلمايدى.
دارىگەرلەردىڭ ايتۋىنشا, بيىكتەن قۇلاعان وقۋشى قىز كوماعا تۇسكەن, كوپ جاراقات العان. دارىگەرلەر قىزدىڭ ءومىرى ءۇشىن 12 ساعات بويى كۇرەسكەنىمەن, ناتيجە بولمادى.
«21 جەلتوقساندا ساعات 11:15-تە 2005 جىلى تۋعان قىز قايتىس بولدى. وعان اشىق باس-مي جاراقاتى, باس-مي كونتۋزياسى, باسسۇيەك ىشىلىك گەماتوما, ميدىڭ ءىسىنۋى, جابىق ىعىسقان لوب-يحيالدى سىنىق, ەكى وكشەسىنىڭ اشىق سىنىعى, ءىش قۋىسى جاراقاتى جانە اۋىر تراۆماتيكالىق شوك دياگنوزى قويلدى», دەدى شىمكەنت قالالىق دەنساۋلىق ساقتاۋ باسقارماسىنىڭ ءباسپاسوز حاتشىسى لاۋرا ناحيپوۆا.
پوليتسيا قىلمىستىق ءىس قوزعادى.
«دەرەكتى قاراتاۋ اۋدانىنىڭ پوليتسيا ءبولىمىنىڭ قىزمەتكەرلەرى قر قىلمىستىق كودەكسىنىڭ 105-بابىنىڭ 3-بولىگى («كامەلەتكە تولماعان ادامعا قاتىستى ءوز-وزىنە قول جۇمساۋعا اپارۋ») بويىنشا تجد تىركەۋگە الدى. قازىرگى ۋاقىتتا سوتالدى تەرگەۋ امالدارى جۇرگىزىلىپ جاتىر. ءىس بويىنشا سوت تەرگەۋى جۇرگىزىلىپ جاتىر. قر قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسى ءۇشىن باسقا مالىمەت جاريا ەتۋگە جاتپايدى», دەدى شىمكەنت قالالىق ءىىب بولىمشەسىنىڭ ىشكى جانە سىرتقى كوممۋنيكاتسيالار ءبولىمىنىڭ باسشىسى ءمولدىر بەكەەۆا.
ەندى پوليتسەيلەر بۇل سۋيتسيد پە, الدە وقىس وقيعا ما, انىقتاۋى كەرەك.
بەيرەسمي مالىمەت بويىنشا, توتەنشە جاعداي كەزىندە پاتەردە قىزدىڭ سىنىپتاستارى بولعان. وسىعان بايلانىستى اكە مەن قىزى اراسىندا جانجال تۋىنداعان. ول كەزدە قىزدىڭ اناسى باسقا قالادا جۇمىستا بولعان.
