ەكونوميكا • 22 جەلتوقسان، 2021

قارجى سەكتورىندا كليەنت قۇقىعى قورعالىپ جاتىر ما؟

132 رەت كورسەتىلدى

تۇتىنۋشىلار قۇقىعى – نارىقتاعى وزەكتى ماسەلە. ەلىمىزدە قارجى نارىعى سالاسىندا قۇقىعى بۇزىلعانداردىڭ ءوتىنىشىن قارجى نارىعىن رەتتەۋ جانە دامىتۋ اگەنتتىگى قاراستىرادى. 2021 جىلى اگەنتتىككە 27 مىڭ ءوتىنىش كەلىپ تۇسكەن. سونىڭ 66 پايىزى بانكتەردىڭ زاڭسىز ارەكەتتەرىمەن بايلانىستى ەكەن.

ارىز-شاعىمنىڭ 30 پايىزى ميكروقارجى ۇيىمدارىنا (مقۇ)، 3 پايىزى كوللەكتورلىق اگەنتتىكتەردىڭ بەلدەن باسقان ارەكەتتەرىنە بايلانىستى.

«وتىنىشتەردىڭ كوپشىلىگىنىڭ ءمانى – پروبلەمالىق بەرەشەكتى رەتتەۋ، ونىڭ ىشىندە بەرەشەكتى قايتا قۇرىلىمداۋ نەمەسە قايتا قارجىلاندىرۋ راسىمدەرى ارقىلى رەتتەۋ، قارىز الۋشىلاردىڭ بورىش جۇكتەمەسىن ازايتۋ جونىندەگى ۇسىنىستاردى قاراۋ ماسەلەلەرى»، دەلىنەدى ۆەدومستۆو حابارلاماسىندا.

اگەنتتىك جۇرگىزگەن قۇجات­تا­­مالىق تەكسەرۋلەر ناتيجەلەرى بويىنشا 93 قارجى ۇيىمىنا جانە 21 كوللەكتورلىق اگەنتتىككە جالپى سوماسى 25،5 ملن تەڭگە بولاتىن شارا قولدانىلىپ، 54 جازباشا ۇيعارىم مەن 87 اكىمشىلىك جازا بەكىتىلگەن. سونداي-اق قادا­عا­لاۋشى ازاماتتارعا تىكەلەي كە­ڭەس بەرەدى.

«2021 جىلى Call-ورتالىق جانە جەدەل جەلى ارقىلى ازاماتتاردان 5 570 قوڭىراۋ كەلىپ ءتۇستى. شاما­مەن 5 مىڭ قارجىلىق قىز­مەت­تەردى تۇتىنۋشىمەن كەزدەسۋلەر ۇيىمداستىرىلدى، ولار­دىڭ ماسە­لەلەرى بويىنشا جان-جاق­تى تۇسىنىكتەمەلەر بەرى­لىپ، قۇقىقتىق قولداۋ كورسە­تىل­دى. اگەنتتىكتىڭ جار­دەم­دەس­ۋى ناتيجەسىندە بانكتەر مەن مقۇ 6 مىڭنان اسا ازاماتتىڭ قارىزىن قايتا قۇرىلىمدادى. اگەنتتىك اتقارۋشىلىق ءىس جۇرگىزۋ را­سىم­دەرى شەڭبەرىندە ازامات­تار­­دىڭ قۇقىقتارىن قورعاۋ بويىن­شا شارالار قابىلدادى. ما­مان­دار 1 305 سوت وتىرىسىنا قا­تىستى، ونىڭ ىشىندە 1 100 تالاپ-ارىز بويىنشا شەشىم قارىز الۋشىلاردىڭ پايداسىنا شى­عا­رىل­دى»، دەلىنەدى حابارلامادا.

نارىقتاعى كەلەڭسىزدىكتەردى رەتتەۋ ءۇشىن اگەنتتىك الماتى قا­لا­سى اكىمدىگىمەن، 18 بانك جانە 9 قو­عامدىق بىرلەستىكپەن، سونىمەن قاتار كوللەكتورلىق اگەنتتىكتەر قاۋىمداستىقتارىمەن مەموراندۋم جاساسقان. تۇتىنۋشىلىق كرەديت­تەۋدەگى تاۋەكەلدەردى با­رىن­شا ازايتۋ ءۇشىن اگەنتتىك بانكتەر مەن مقۇ ءۇشىن، قارىز الۋ­شىلاردىڭ تولەم قابىلەتىن مىندەتتى تۇردە باعالاۋ جونىندەگى تالاپ ەنگىزگەن. ياعني كىرىسى ەڭ تومەنگى كۇنكورىس دەڭگەيىنەن تومەن ازاماتتارعا قارىز بەرۋگە تىيىم سالىندى. ازاماتتاردىڭ بورىش جۇكتەمەسى قارىز الۋشى كىرىسىنىڭ 50 پايىزىنان اسپايتىن دەڭگەيدە شەكتەلدى.

«بيىل 1 قازاننان باستاپ بانك­تەر مەن مقۇ ءۇشىن مىندەتتى، ازاماتتاردىڭ كرەديتتەرى بويىنشا مەرزىمى وتكەن بەرەشەكتى رەتتەۋدىڭ بىرىڭعاي ءتارتىبى زاڭنامالىق دەڭگەيدە ەنگىزىلدى. ەندى بانك­تەر مەن مقۇ پروبلەمالىق قا­رىز الۋشىلاردىڭ قارجىلىق جاعدايىن جەكە تارتىپپەن باعا­لاۋعا جانە مەرزىمى وتكەن بەرە­شەكتى قايتا قۇرىلىمداۋ تالاپتارىن ايقىنداۋعا مىندەتتى بولادى. ءماجىلىس دەپۋتاتتارىنىڭ ۇسىنىسى بويىنشا مەملەكەتتىك باسقارۋ ماسەلەلەرى جونىندەگى زاڭ جوباسىنا تولەۋ مەرزىمى 90 كۇننەن اسىپ كەتكەن جاعدايدا جەكە تۇلعالاردىڭ كرەديتتەرى بويىنشا سىياقى ەسەپتەۋگە تىيىم سالۋ جونىندەگى تۇزەتۋ ەنگىزىلدى. بۇل نورما تۇتىنۋشىلىق قارىزدار بويىنشا تولەۋ مەرزىمى وتكەن جاعدايدا ازاماتتاردىڭ كرەديت بەرەشەگىنىڭ ءوسۋىن شەكتەيدى»، دەپ حابارلايدى اگەنتتىك.

 

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

ۇقساس جاڭالىقتار