Qazaqstan jastary قوعامدىق قورىنىڭ ۇيىمداستىرۋىمەن Adem ساۋدا ورتالىعىندا جاستارعا الەۋمەتتىك-پسيحولوگيالىق, ەڭبەك شارتى, مەديتسينا, قۇقىقتىق جانە پەداگوگيكالىق وفلاين-ونلاين تۇردە كەڭەستەر بەرىلدى. قازىرگى كەزدە 200-دەي جاس ارنايى دايىندالعان ورتالىقتا تاجىريبەدەن ءوتىپ, كاسىبي ماماندار كەڭەسىن الدى.
جوبا اياسىندا فرونت-وفيستە كاسىبي ماماندار ءاربىر جاس ادامدى تولعاندىرعان سۇراقتارعا جاۋاپ بەرىپ, ارنايى ساۋالداما جۇرگىزىپ, قانداي دا ءبىر ماسەلەنىڭ شەشىمىن تابۋعا ىقپال ەتتى. NEET ساناتىنداعى جاستاردىڭ سانى 3 مىڭ ادامدى قۇراپ وتىر. بۇل ماسەلەگە كەڭىنەن نازار اۋدارۋ ماقساتىندا ەرىكتىلەر مەن رەسۋرستىق ورتالىقتاردىڭ ماماندارى تارتىلدى. سونىمەن بىرگە ورتالىقتىڭ جۇمىسى تۋرالى الەۋمەتتىك جەلىلەردە اقپارات تارادى.
جوبا اياسىندا الماتىعا كەلىپ, كەتىپ جۇمىس ىستەيتىن جاستار ءۇشىن ارنايى بايقاۋ ۇيىمداستىرىلدى. ءۇش كەزەڭنەن تۇراتىن بايقاۋدىڭ قورىتىندىسى بويىنشا «ۇزدىك شاشتاراز», «ۇزدىك كولىك مەحانيگى», «ۇزدىك اسپاز», «ۇزدىك ەلەكتريك», «ۇزدىك دوڭعالاق جاساۋشى» سياقتى كاسىبي تەحنيكالىق ماماندىقتاردىڭ جەڭىمپازدارى انىقتالدى. بۇل بايقاۋدىڭ قازىلار القاسىنا جۇمىس بەرۋشىلەر, كاسىپوداق ۇيىمدارىنىڭ وكىلدەرى شاقىرىلدى.
جوبا اياسىندا جەڭىمپازدار تەوريا ءارى تاجىريبە جاعىنان بىلىكتىلىگىن ارتتىرىپ قانا قويماي, اقشالاي سىيلىقتارعا يە بولدى.
الماتى
