بۇل تۋرالى پرەزيدەنت كومەكشىسى ەرلان قارين فەيسبۋكتەگى پاراقشاسىندا جازدى.
«كەزدەسۋ اياسىندا مينيستر بيىل وتكىزىلگەن نەگىزگى مادەني, سپورتتىق ءىس-شارالار مەن عىلىمي كونفەرەنتسيالارعا توقتالدى. سونداي-اق اقتوتى رايىمقۇلوۆا مادەنيەت, سپورت جانە ساۋىقتىرۋ نىساندارىنىڭ قۇرىلىسى مەن جوندەۋ جۇمىستارىنا, مۇمكىندىگى شەكتەۋلى جاندار ءۇشىن ءتۇرلى سپورت تۇرلەرىن دامىتۋ بويىنشا مەملەكەتتىك قولداۋ شارالارىنىڭ ىسكە اسۋىنا نازار اۋداردى», دەپ جازدى ەرلان قارين Facebook پاراقشاسىندا.
مينيستر ونلاين كەزدەسۋدە «وقيتىن ۇلت» جوباسىن جۇزەگە اسىرۋعا قاتىستى مەملەكەت باسشىسى تاپسىرمالارىنىڭ ورىندالۋ رەتىمەن تانىستىردى.
«مينيستر بايانداماسىنان كەيىن كەزدەسۋ سۇراق-جاۋاپ فورماتىندا جالعاستى. ۇلتتىق كەڭەس مۇشەلەرى اسحات سادىرباي, جەمىس تۇرماعامبەتوۆا, تاتيانا تالاەۆا, قايسار تۇرسىنقوجا, ءبورىحان نۇرمۇحامەدوۆ, قازىبەك يسا, ايگۇل ورىنبەك, ايدوس سارىم, مارات ءباشىموۆ جانە ماكسيم روجين ءتۇرلى مەرەيتويلىق ءىس-شارالاردى وتكىزۋ جانە مادەني مۇرانى ناسيحاتتاۋ, تاريحي-مادەني ەسكەرتكىشتەردى ساقتاۋ, ادەبيەت جانە باسپا سالاسىن دامىتۋ, جاپپاي جانە كاسىبي سپورتتى قولداۋ بويىنشا ءوز سۇراقتارىن قويدى. كەزدەسۋ سوڭىندا قاتىسۋشىلار تالقىلانعان ماسەلەلەر مەن ۇسىنىستاردى بىرلەسىپ پىسىقتاۋعا كەلىستى», دەپ جازىلعان پرەزيدەنت كومەكشىسىنىڭ جازباسىندا.
