قۇجاتتا بەكىتىلگەن كەلىسىمدەرگە سايكەس, ەكى ەلدىڭ نەگىزگى باسپا باسىلىمدارى اراسىندا اقپارات الماسۋ, جۋرناليستەردى وقىتۋ, بىرلەسكەن باق ءىس-شارالارىن ۇيىمداستىرۋ سەكىلدى ءوزارا بايلانىس ورنايدى.
اقپارات الماسۋ تۋرالى كەلىسىمگە بەلارۋس رەسپۋبليكاسى پرەزيدەنتى اكىمشىلىگىنىڭ «بەلارۋس سەگودنيا» باسپاسى» ديرەكتورىنىڭ ءبىرىنشى ورىنباسارى – باس رەداكتورى ميحايل لەبەديك پەن «Egemen Qazaqstan» رگ» اق تاراپىنان باسقارما توراعاسىنىڭ ءبىرىنشى ورىنباسارى ۆلاديمير كۋرياتوۆ قول قويدى.
«بۇگىنگى تاڭدا سەنىمدى جانە وزەكتى اقپاراتتى باستاپقى كوزدەن الۋ وتە ماڭىزدى. ەكى جاقتىڭ وراسان زور اقپاراتتىق مۇمكىندىكتەرى مەن پلاتفورمالارىن پايدالانا وتىرىپ, ءبىز قازاقستان تۇرعىندارىنىڭ بەلارۋستىڭ دامۋى, ونىڭ جاسامپاز جانە بەيبىتشىل ساياساتى, حالىقارالىق باستامالارى جانە ەۋرازيالىق كەڭىستىكتەگى ينتەگراتسيالىق ىنتىماقتاستىققا قوسقان ۇلەسى تۋرالى كوبىرەك ءبىلۋى ءۇشىن لايىقتى اقپاراتتاردى بولىسۋگە تىرىسامىز. ەلىمىزدىڭ ماڭىزدى ساياسي جانە ەكونوميكالىق سەرىكتەسى – قازاقستان تۋرالى كوبىرەك بىلۋگە بەلورۋستار دا قىزىعۋشىلىق تانىتاتىنىنا سەنىمدىمىن», دەدى ميحايل لەبەديك.
باس باسىلىمدار اراسىنداعى ىنتىماقتاستىق پەن تاجىريبە الماسۋ ءۇشىن اتالعان كەلىسىمنىڭ ماڭىزى زور.
«اتاپ ايتقاندا, ءبىزدى «بەلارۋس سەگودنيا» گازەتىنىڭ ينتەرنەت پەن الەۋمەتتىك جەلىلەردىڭ دامىعان كەزەڭىندە مەديا-نارىقتاعى قيىن جاعدايعا قالاي بەيىمدەلەتىنى قىزىقتىرادى. بۇدان بولەك بەلارۋس ەلىندە باسىلىمدى تۇرلەندىرۋ قالاي ءجۇرىپ جاتىر, گازەتتەردى اۋىل-ايماققا دەر كەزىندە جەتكىزىلە مە؟ بالكىم, ءبىزدىڭ ارىپتەستەر قازاقستاننىڭ تاجىريبەسىنە قىزىعۋشىلىق تانىتقان شىعار. سوندىقتان ورتاق كەلىسىم گازەتتەرىمىزگە دە, وقىرماندارىمىزعا دا پايدالى بولادى دەپ ويلايمىن», دەپ اتاپ ءوتتى ۆلاديمير كۋرياتوۆ.
