تەكسەرۋ ناتيجەلەرى بويىنشا جولداردى كۇتىپ ۇستاۋعا جاۋاپتى 220 ادام ءتۇرلى اكىمشىلىك جاۋاپكەرشىلىككە تارتىلعان, ونىڭ ىشىندە 21 اۋىل جانە اۋىلدىق وكرۋگ اكىمى بار.
«جالپى سوماسى 6 ميلليون تەڭگەدەن استام ايىپپۇل سالىندى. ماسەلەن, اۆتوجولداردى قاناعاتتانارلىقسىز ۇستاعانى ءۇشىن قر اقبك 631-بابى – «جولداردا جۇمىس جۇرگىزۋ, جولدار مەن جول قۇرىلىستارىن كۇتىپ ۇستاۋ ەرەجەلەرىن بۇزۋ» بويىنشا «قازاقاۆتوجول» پاۆلودار فيليالىنىڭ ديرەكتورى اكىمشىلىك جاۋاپكەرشىلىككە تارتىلدى», دەدى پاۆلودار وبلىسى پد اكىمشىلىك پوليتسيا باسقارماسى باستىعىنىڭ مىندەتىن اتقارۋشى باكىباي احمەديانوۆ.
جول توسەمىنىڭ ناشار بولۋى دا جول-كولىك وقيعالارىنىڭ سەبەپتەرىنىڭ ءبىرى بولۋى مۇمكىن. پوليتسيا دەپارتامەنتى جول-كولىك وقيعاسىنىڭ الدىن الۋ, ءوڭىر جولدارىندا جاراقاتتانۋ مەن ءولىم-ءجىتىم دەڭگەيىن تومەندەتۋ ماقساتىندا تۇراقتى نەگىزدە جالپىعا ورتاق پايدالانىلاتىن جولدارعا, ونىڭ ىشىندە رەسپۋبليكالىق جانە جەرگىلىكتى ماڭىزى بار جولدارعا تەكسەرۋ جۇرگىزەدى.
«تەمىرجول وتكەلدەرى دە نازاردان تىس قالعان جوق. 190 تەمىرجول وتپەسى تەكسەرىلىپ, قاجەتتى جول بەلگىلەرىنىڭ بولماۋى, دۇرىس جارىقتاندىرىلماۋ سياقتى اقاۋلار انىقتالدى. تەكسەرۋ ناتيجەلەرى بويىنشا 27 لاۋازىمدى تۇلعا تەمىرجول وتكەلدەرىنە جاۋاپسىز قاراعانى ءۇشىن اكىمشىلىك جاۋاپكەرشىلىككە تارتىلدى. ايىپپۇلداردىڭ جالپى سوماسى 750 مىڭنان استام تەڭگەنى قۇرادى», دەدى باكىباي احمەديانوۆ.
