وبلىس اكىمى باسپاسوز قىزمەتىنىڭ حابارلاۋىنشا, پاۆلودار وبلىسىنىڭ جوبا جەكە ينۆەستور مەن «پاۆلودار» الەۋمەتتىك-كاسىپكەرلىك كورپوراتسياسىنىڭ ارىپتەستىگى شەڭبەرىندە جۇزەگە اسىرىلدى. وسىنىڭ ارقاسىندا وڭىردە جەرگىلىكتى تازارتىلعان كۇنباعىس مايىن ءوندىرۋ باستالدى. جاڭا ءوندىرىستىڭ قۇنى 185 ميلليون تەڭگەگە جۋىق.
- ءبىز قازىردىڭ وزىندە جىل سايىن 5 مىڭ توننا كۇنباعىس تۇقىمدارىن وڭدەيمىز, جاڭا جەلى ىسكە قوسىلعان سوڭ 960 توننا تازارتىلعان ماي الاتىن بولامىز, - دەيدى «پاۆلودار اگروكەشەنى» جشس-ءىڭ باسشىسى كيريلل پەچەنكين. – بۇرىن ءبىز ءوزىمىزدىڭ ءونىمىمىزدى وسكەمەندە تازارتۋدان وتكىزەتىنبىز, بۇل ونىڭ وزىندىك قۇنىنا اسەر ەتەتىن. قازىر بۇل جۇمىستى ءوزىمىز جۇرگىزەمىز. ەندى ءبىز «جاڭا ماي» برەندىن تىركەپ, ونى دۇكەندەرگە جەتكىزە باستادىق.
كومپانيا باسشىسىمەن بىرگە ءوندىرىستى ىسكە قوسۋدىڭ سيمۆوليكالىق تەتىگىن پاۆلودار وبلىسىنىڭ اكىمى ابىلقايىر سقاقوۆ تا باستى. ول كاسىپورىن باسشىلىعىنا تابىس تىلەپ, ءوندىرىستى كەڭەيتكەن جاعدايدا بارىنشا قولداۋ كورستەۋگە ۋادە بەردى.
