ول رەسەيدە توكيو وليمپياداسىنىڭ چەمپيونى البەرت باتىرعازيەۆپەن بىرگە دايىندىعىن پىسىقتاپ جاتىر. ينستاگرامداعى پاراقشاسىندا البەرت باتىرعازيەۆپەن بىرگە تۇسكەن سۋرەتىن جاريالاعان ايدوس ەربوسىن ۇلى تومەندەگىدەي جازبا قالدىردى.
«سوڭعى وليمپيادا ويىندارىندا بىردە-ءبىر قازاق بالاسى جەڭىستىڭ بيىك تۇعىرىنان كورىنبەگەنىمەن, قاسىمداعى قانى ءبىر نوعاي جىگىتى وليمپيادا چەمپيونى اتانعانىن ۇمىتپاڭىزدار. البەرت, كاسىپقوي بوكس الەمىندە وتكىزەتىن ءاربىر جەكپە-جەگىڭە تەك ساتتىلىك تىلەيمىن», دەدى ايدوس.
سوڭعى جەكپە-جەگىندە لەننوكس اللەندى نوكاۋتپەن جەڭگەن ايدوس ەربوسىن ۇلى WBA رەيتينگىنە سايكەس ەكىنشى ورتا سالماقتاعى الەمنىڭ ءابسوليۋتتى چەمپيونى ساۋل الۆارەستىڭ مىندەتى قارسىلاسى اتانعان بولاتىن.
