ەلىمىزدىڭ ءتۇرلى ەتنوستارىنىڭ ادەبي مۇراسى رەتىندە «قازاقستان حالقى ەرتەگىلەرى» كىتابى قازاقستان حالقى اسسامبلەياسىنىڭ ەتنومادەني بىرلەستىكتەرىنىڭ وكىلدەرىمەن بىرگە العاش رەت قازاق تىلىندە شىعارىلدى.
جيناققا قازاقستاننىڭ كارىس, نەمىس, شەشەن-ينگۋش, ەۆرەي, گرەك, موردۆا, ليتۆا, پولياك جانە ت.ب. 25 ءىرى ەتنوستاردىڭ 114 حالىق ەرتەگىسى ەندى. كىتاپ ەكى تومنان تۇرادى (4-7 جانە 8-11 جاستاعى بالالارعا ارنالعان). جالپى تيراجى - 4 000 دانا ء(ار بولىگى 2 000 دانادان).
ماقساتتى اۋديتوريانى جانە جيناق مازمۇنىنىڭ سايكەستىگىن انىقتاۋ ءۇشىن ى. التىنسارين اتىنداعى ۇلتتىق ءبىلىم بەرۋ اكادەمياسىندا ساراپتاما جۇرگىزىلدى.
كىتاپتار ءبىلىم جانە عىلىم, مادەنيەت جانە سپورت مينيسترلىكتەرىنە مەكتەپكە دەيىنگى جانە ورتا ءبىلىم بەرۋ مەكەمەلەرىنە, سونداي-اق ەلىمىزدىڭ كىتاپحانالارىنا تاراتۋ ءۇشىن جىبەرىلەدى.
