فوتو: wikipedia.org
ەكولوگيا جانە تابيعي رەسۋرستار ۆيتسە-ءمينيسترى نۇركەن شاربيەۆ زاڭنامادا تەك قىزىل كىتاپقا ەنگەن كوكساعىز باقباعىن جويۋعا قاتاڭ جازا قاراستىرىلعانىن ايتتى.
ونىڭ سوزىنشە, اتالعان وسىمدىك سيرەك كەزدەسەتىن ءارى جويىلىپ كەتۋ قاۋپى بار تۇرلەر قاتارىنا جاتادى. سوندىقتان ونى جۇلعانى نەمەسە جويعانى ءۇشىن 3000 اەك كولەمىندە ايىپپۇل بەلگىلەنگەن. 2026 جىلعى ەسەپ بويىنشا بۇل سوما 12 975 000 تەڭگەنى قۇرايدى.
«بۇل – جويىلىپ كەتۋ قاۋپى جوعارى سيرەك وسىمدىك. وسىنداي زاڭسىز ارەكەتتەردىڭ الدىن الۋ ءۇشىن ايىپپۇل مولشەرى 2019 جىلى دەپۋتاتتاردىڭ باستاماسىمەن 10 ەسە كوبەيتىلدى», دەدى ۆيتسە-مينيستر ۇكىمەتتەگى بريفينگتە.
مينيسترلىك مالىمەتىنشە, كوكساعىز باقباعى نەگىزىنەن ەلىمىزدىڭ وڭتۇستىك وڭىرلەرىندە وسەدى.
سونداي-اق قازاقستاندا قىزىل كىتاپقا ەنگەن جابايى قىزعالداقتاردى جۇلعانى ءۇشىن 11 ملن تەڭگەدەن استام ايىپپۇل قاراستىرىلعان.
