فوتو: اشىق دەرەككوز
الەۋمەتتىك جەلىلەردە تاراعان مالىمەتتە مارقۇم ىنىسىمەن بىرگە وسىدان 10 جىل بۇرىن دۇنيەدەن وتكەن اكەسىنىڭ قابىرىنە بارىپ, قۇران باعىشتاماق بولعان. وقيعا تۇنگى ساعات 01:00 شاماسىندا بولعان.
جاريالانعان اقپارات بويىنشا, جولدا اعايىندىلاردىڭ جولىن ىشىندە ءۇش جاس جىگىت وتىرعان اۆتوكولىك بوگەگەن. ءوتىپ كەتۋ ءۇشىن كولىكتىڭ ەسىگىن جابۋدى سۇراعاننان كەيىن ەكى تاراپ اراسىندا جانجال تۋىنداعان. حابارلامالاردا ايتىلعانداي, 24 جاستاعى جىگىت كولىكتەن شىققان ساتتە قارسى تاراپتاعى جاستاردىڭ ءبىرى وعان پىشاقپەن شابۋىل جاساعان.
الماتى وبلىستىق پوليتسيا دەپارتامەنتىنىڭ مالىمەتىنشە, 11 مامىر كۇنى نۇرا اۋىلىنىڭ 24 جاستاعى تۇرعىنى اۋرۋحانادا پىشاق جاراقاتىنان كوز جۇمعان.
تالعاردا تاعى دا قايعىلى جاعداي: ءبىر توپ ادام 20 جاستاعى جىگىتتى پىشاقتاپ ءولتىردى
قىلمىس تۋرالى حابار تۇسكەننەن كەيىن پوليتسيا سىرتقى جاساقتاردى جۇمىلدىرىپ, بەكەتتەر ورناتقان. جەدەل-ىزدەستىرۋ شارالارى بارىسىندا مارقۇمنىڭ ءۇش اۋىلداسى ءىزىن سۋىپتپاي ۇستالعان.
اتالعان دەرەك بويىنشا «ادام ءولتىرۋ» جانە «بۇزاقىلىق» باپتارىمەن قىلمىستىق ىستەر قوزعالدى. كۇدىكتىلەر ۋاقىتشا ۇستاۋ يزولياتورىنا قامالدى.
قازىر تەرگەۋشىلەر وقيعانىڭ بارلىق ءمان-جايىن انىقتاۋ ماقساتىندا وقيعاعا قاتىسۋشىلار مەن كۋاگەرلەردىڭ جاۋاپتارىن تەكسەرىپ جاتىر. تەرگەۋ بارىسى دەپارتامەنت باسشىلىعىنىڭ ەرەكشە باقىلاۋىنا الىنعان.
قۇنى 17 ميلليوندىق كولىگىن الىپ قويعان: تالعاردا اقشا بوپسالاۋمەن اينالىسقان قىلمىستىق توپ ۇستالدى
