ايماقتاعى زيالى قاۋىم وكىلدەرى باس قوسقان جيىندا وبلىس اكىمىنىڭ ورىنباسارى سەرىك احمەت جيناقتىڭ ءمان-ماڭىزىنا توقتالىپ, ايماقتاعى باق تاريحىن تۇگەندەۋدەگى جەرگىلىكتى «سىر مەديا» جشس ماماندارىنىڭ ەڭبەگىن ايرىقشا اتاپ ءوتتى.
– ءداستۇرلى باق پەن بۇگىنگى مەديا دامۋدىڭ جاڭا ساتىسىنا كوتەرىلگەن قازىرگىدەي كەزەڭدە ايماق جۋرناليستيكاسىنىڭ تاريحىن تۇگەندەۋ قۇپتارلىق ءىس. ءوڭىر جۋرناليستيكاسىنىڭ بۇرىنعىسى مەن بۇگىنگىسىن بەينەلەگەن بەستومدىقتىڭ تاۋەلسىزدىگىمىزدىڭ 30 جىلدىق مەرەيتويى قارساڭىندا وقىرمانعا جول تارتۋى زور قۋانىش, – دەدى وبلىس اكىمىنىڭ ورىنباسارى.
جيناقتىڭ ءى تومىندا «سىر بويى», «كىزىلوردينسكيە ۆەستي», «اقمەشىت جاستارى» گازەتتەرىنىڭ, «سىر مەديا» جشس تاريحى توپتاستىرىلعان. ەكىنشى تومدا «اقمەشىت اپتالىعى» مەن اۋداندىق 7 باسىلىم تۋرالى دەرەكتەر جيناقتالسا, ءۇشىنشى كىتاپ ايماقتاعى ەلەكتروندى باق, باسپاحانا تاريحى جانە رەسپۋبليكالىق باق تىلشىلەرى تۋرالى. جيناقتا تاۋەلسىز باسىلىمدار جونىندەگى مالىمەت پەن سىر بويىنان شىققان بەلگىلى جۋرناليستەر تاجىريبەسى, شەبەرلىك دارىستەرى توپتاستىرىلعان.
سەنات دەپۋتاتى نۇرتورە ءجۇسىپ گازەت بەتىندە ءار كەزەڭنىڭ تىنىس-تىرشىلىگى ايقىن كورىنىپ تۇراتىندىقتان كىتاپ ەل شەجىرەسى دەپ اتاۋعا لايىق دەگەن وي ايتتى. «كەزىندە كەڭەس ءباسپاسوزىنىڭ تاريحىن جاتتاپ وستىك, شەتەل ءباسپاسوزىنىڭ وتكەنىنەن دە حابارىمىز بار. بۇگىنگى بەستومدىق وسىعان دەيىن ەسكەرۋسىز قالىپ كەلگەن ۇلتتىق جۋرناليستيكا تاريحىن تۇگەندەۋدەگى تولىمدى ەڭبەك بولىپ تۇر» دەدى سەناتور.
جيىندا قازاقستان جۋرناليستەر وداعىنىڭ توراعاسى سەيتقازى ماتاەۆ, بەلگىلى جۋرناليست بيبىگۇل جەكسەنباي وي-پىكىرلەرىن ورتاعا سالدى. ۇلتتىق عىلىم اكادەمياسىنىڭ كوررەسپوندەنت-مۇشەسى امانتاي ءشارىپ تاۋەلسىزدىكتىڭ 30 جىلدىعىنا ورايلاستىرىلعان باستاما باسقا ايماقتار مەن جۋرناليستەر دايارلايتىن بەلدى وقۋ ورىندارىنا ۇلگى بولۋى تيىستىگىن اتاپ ءوتتى.
– قولىمىزعا جاڭا ءتيىپ وتىرعان كىتاپتى پاراقتاپ شىعۋعا عانا ۇلگەردىك. سونىڭ وزىندە ەڭبەكتىڭ تەك ەستەلىكتەر ەمەس, عىلىمي نەگىزدى جۇمىس بولعانىنا كوزىمىز جەتىپ, كوڭىلىمىز تولىپ وتىر. ەڭ باستىسى, وبلىستان شىعاتىن باسىلىمدار, ەلەكتروندى باق, قازىرگى جاڭا مەديا قامتىلعان. ونداعى ماتەريالدار مازمۇنىنا ساراپتاما جاسالعان, – دەدى عالىم.
«سىر مەديا» جشس باس ديرەكتورى امانجول وڭعارباەۆ وبلىس اكىمدىگى قولداۋىمەن جارىق كورىپ وتىرعان جيناقتى دايىنداۋعا سەرىكتەس ماماندارىمەن بىرگە ارىپتەستەردىڭ بارلىعى اتسالىسقانىن اتاپ ءوتتى.
– ءبىز وسى ۋاقىتقا دەيىن «سىر بويى» گازەتىنىڭ العاشقى رەداكتورى جيەنعالي تىلەپبەرگەنوۆ دەپ كەلدىك. ال رەسەيدىڭ مەملەكەتتىك كىتاپحاناسىنان تابىلعان مالىمەتتە ءبىرىنشى نومىردە رەداكتور رەتىندە باتىرعالي كاليۋكوۆتىڭ اتى كورسەتىلگەن. كاليۋكوۆ پەن تىلەپبەرگەنوۆتىڭ اراسىندا باسىلىمعا جەتەكشىلىك ەتكەن ازاماتتار دا بار ەكەن. اۋداندىق ارحيۆتەردەگى كوپ مالىمەتتەردىڭ جويىلىپ كەتكەنى دە ءبىراز قيىندىق تۋدىردى. ايماقتان شىققان جۋرناليستەرگە ارنالعان توم قالجان قوڭىراتباەۆ, مۇستافا شوقاي سەكىلدى ارداقتىلارىمىزدان باستالىپ وتىر, – دەدى امانجول ساقىپ ۇلى.
ءىس-شارا سوڭىندا «سىر جۋرناليستيكاسىنىڭ تاريحى» 5 تومدىعىنىڭ لەنتاسى سالتاناتتى تۇردە قيىلىپ, قالىڭ وقىرمانعا جول تارتتى.
قىزىلوردا
